சன் குரூப்பின் 'சூப்பர் ஆஃபர்'.. ஸ்பைஸ்ஜெட் விமானக் கட்டணத்தை 75% குறைத்தது!

மும்பை: சன் குழுமத்தின் ஸ்பைஸ்ஜெட் விமான நிறுவனம் கோடை காலத்தை முன்னிட்டு தனது விமான பயணக் கட்டணத்தை வெகுவாக குறைத்துள்ளது. அதாவது 75 சதவீத அளவுக்குக் கட்டணக் குறைப்பை அது அறிவித்துள்ளது.

கோடைகாலத்தில் பல்வேறு ஊர்களுக்கும் படையெடுக்கும் மக்களை மொத்தமாக தனது விமானத்தில் அடைக்க நினைக்கும் சன் குழுமத்தின் அதிரடி முயற்சியாக இது பார்க்கப்படுகிறது.

கடந்த ஒன்றரை மாதத்தில் தனது கோடைகால விமான சேவைகளுக்கான பயணக் கட்டணத்தை ஸ்பைஸ்ஜெட் குறைப்பது இது 3வது முறையாகும்.

சூப்பர் சம்மர் சேல்

சூப்பர் சம்மர் சேல் என்ற பெயரில் இந்த பயணக் கட்டண சலுகையை ஸ்பைஸ்ஜெட் அறிவித்துள்ளது. இந்த சலுகையானது வருகிற புதன்கிழமை நள்ளிரவு வரை அமலில் இருக்குமாம். அதற்குள் புக் செய்வோர் இந்த 75 சதவீத சலுகையை அள்ளிக் கொள்ளலாம்.

அடிப்படைக் கட்டணத்தில்

டிக்கெட்டின் அடிப்படைக் கட்டணத்தில் இந்த சலுகை அளிக்கப்படுகிறது.

ஏப்ரல் 1 முதல் ஜூன் 30ம் தேதி வரை

ஏப்ரல் 1ம் தேதி முதல் ஜூன் 30ம் தேதி வரையிலான பயண காலத்திற்கான சலுகையாகும் இது.

ஏற்கனவே வெற்றி பெற்றதால்

ஏற்கனவே இதேபோல இரண்டு சலுகைகளை ஸ்பைஸ்ஜெட் அறிவித்து அவை வெற்றியும், வரவேற்பும் பெற்றதால் தற்போது இந்த புதிய அதிரடி சலுகையை ஸ்பைஸ்ஜெட் அறிவித்துள்ளதாம்.

எல்லோருக்கும் லாபமே

இந்த புதிய சலுகையானது விமான நிறுவனம், பயணிகள், சுற்றுலாத்துறை ஆகிய அனைவருக்குமே லாபம் அளிக்கக் கூடியதாக அமையும் என்பது ஸ்பைஸ்ஜெட் நிறுவனத்தின் கூற்றாகும்.

English summary

In yet another bonanza to air travellers at the onset of the summer season, budget carrier SpiceJet today reduced its fares by up to a whopping 75% under a special offer. This is the third time in the last one month that the Kalanithi Maran promoted carrier has slashed fares to avail early summer bookings.