நீ எதிர்த்து போராடியிருக்கணும் சித்ரா.. பாண்டியன் ஸ்டோர்ஸில் ஜோடியாக நடித்த குமரன் உருக்கம்

சென்னை: நீ எதிர்த்துப் போராடி இருக்க வேண்டும் சித்ரா என சின்னத்திரை நடிகர் குமரன் உருக்கமான பதிவு ஒன்றை தனது இன்ஸ்டாகிராம் பக்கத்தில் தெரிவித்துள்ளார்.

சின்னத்திரை நடிகை சித்ராவின் (28) மரணம் அனைவரையும் அதிர்ச்சிக்குள்ளாக்கியுள்ளது. விஜே, அற்புதமான நடிகை, டான்சர் என பன்முகத்தன்மை கொண்ட சித்ரா மிகவும் பிரபலமானது பாண்டியன் ஸ்டோர்ஸ் சீரியலில்தான்.

காட்சிகள்

அதில் வரும் கதிர்- முல்லை ஜோடிக்கு தனி ரசிகர் கூட்டமே உண்டு என்றால் பார்த்துக் கொள்ளுங்கள். சீரியலில் எதிர்பாராதவிதமாக விருப்பமில்லாமல் திருமணம் செய்து கொள்ளும் முல்லைக்கும் கதிருக்கும் இடையே மலரும் காதல் காட்சிகள் மிகவும் அழகாக காட்டப்பட்டிருக்கும்.

பாண்டியன் ஸ்டோர்ஸ்

இந்தக் காதலை காட்டுவதற்காகவே பாண்டியன் ஸ்டோர்ஸ் புரோமோவை விஜய் டிவியினர் எப்போதும் வெளியிட்ட வண்ணம் இருப்பார்கள். இந்த சீரியலில் முதன்மை ஹீரோயின் சுஜிதாவை விட இவருக்கே நிறைய முக்கியத்துவம் கொடுக்கப்பட்டது.

சமூகவலைதளங்கள்

இந்த நிலையில் சித்ராவின் மரணத்திற்கு பாண்டியன் ஸ்டோர்ஸ் சீரியலில் நடித்த நடிகர், நடிகைகள் சமூகவலைதளங்களில் தங்கள் இரங்கலை பதிவு செய்து வருகிறார்கள். அந்த வகையில் அந்த சீரியலில் சித்ராவின் கணவராக நடித்த குமரன் தனது இன்ஸ்டாகிராம் பக்கத்தில் உருக்கமான ஒரு பதிவை போட்டுள்ளார்.

புகைப்படம்

சித்ராவின் மரணம் தொடர்பாக அவருடன் கதிராக நடித்த நடிகர் குமரன் தனது இன்ஸ்டாகிராம் பக்கத்தில் சித்ராவின் புகைப்படத்தை பகிர்ந்து " உன்னுடைய தைரியத்தால் நீ அறியப்பட்டாய். பல பெண்களுக்கு முன்னுதாரணமாக இருந்தாய். நீ எதிர்த்து போராடி இருக்க வேண்டும் என நான் ஆசைப்படுகிறேன். ஆனால் இது பதிலல்ல என்று உருக்கத்துடன் தெரிவித்துள்ளார்.

English summary

Actor Kumaran says that Chitra should struggle for her toughs.