Dude movie: சென்னையில் டியூட் பட நடிகைக்கு பாலியல் தொல்லை.. கார் டிரைவர் மீது பரபரப்பு புகார்.. போலீஸ் விசாரணை

சென்னை: நடிகர் பிரதீப் ரங்கநாதன் நடிப்பில் வெளியாகி உள்ள டியூட் திரைப்படம் வெற்றிகரமாக ஓடிக்கொண்டிருக்கிறது. இந்த படத்தில் நடித்துள்ள துணை நடிகை ஒருவரிடம் கால் டாக்சி டிரைவர் பாலியல் சீண்டலில் ஈடுபட்ட சம்பவம் அதிர்ச்சியை ஏற்படுத்தி உள்ளது. இது தொடர்பாக போலீசார் வழக்கு பதிவு செய்து விசாரித்து வருகிறார்கள்.

நடிகர் பிரதீப் ரங்கநாதன் நடிப்பில் வெளியாகி உள்ளது டியூட். இயக்குனர் கீர்த்தீஸ்வரன் இயக்கத்தில் நேற்று இந்த படம் வெளியானது. வெளியான முதல் நாளே இந்த திரைப்படம் ரூ.22 கோடி வசூல் செய்துள்ளதாக தயாரிப்பு நிறுவனம் அதிகாரப்பூர்வமாக அறிவித்து உள்ளது.

டியூட் பட இசைவெளியீட்டு விழா

தீபாவளி பண்டிகையையொட்டி இந்த படம் வெளியாகி இருப்பதால் மக்களிடம் பெரும் வரவேற்பை பெற்றுள்ளது. இதே தீபாவளி ரேஸில் துருவ் விக்ரமின் பைசன், ஹரீஸ் கல்யாணின் டீசல் படமும் வெளிவந்துள்ளது. இதில் டியூட் படம் மிகப்பெரும் வரவேற்பை பெற்றுள்ளது. ஏற்கனவே பிரதீப் ரங்கநாதனின் லவ் டுடே, டிராகன் படம் பெரிய ஹிட் அடித்த நிலையில் இந்த படமும் ஹிட் அடிக்கும் என கூறப்படுகிறது.

துணை நடிகையிடம் பாலியல் சீண்டல்

இந்த படத்தில் நடிகையாக மமிதா பைஜூ நடித்துள்ளார். சுப்ரீம் ஸ்டார் சரத்குமாரும் இந்த படத்தில் நடித்துள்ளார். இதற்கிடையே டியூட் படத்தில் நடித்துள்ள துணை நடிகைக்கு கால் டாக்சி டிரைவர் ஒருவர் பாலியல் சீண்டலில் ஈடுபட்ட சம்பவம் நடந்துள்ளது. இது தொடர்பாக டாக்சி டிரைவரை போலீசார் கைது செய்துள்ளனர்.

அதாவது டியூட் படத்தின் இசை வெளியீட்டு விழா, கடந்த சில நாட்களுக்கு முன்பு சென்னையை அடுத்த தண்டலத்தில் உள்ள தனியார் கல்லூரியில் நடந்தது. இதற்கு படத்தில் நடித்திருந்த நட்சத்திரங்கள், சிறப்பு விருந்தினர்கள் பலரும் கலந்துகொண்டர். இந்த இசைவெளியீட்டு விழாவில், துணை நடிகை ஒருவரும் கலந்துகொண்டார்.

கால் டாக்சி டிரைவர் மீது வழக்கு பதிவு

மகாராஷ்டிராவை சேர்ந்தவர் என்பதால், அவர் இசை வெளியீட்டு விழாவில் பங்கேற்பதற்காக ரயில் மூலமாக சென்னை செண்டிரல் வந்தடைந்துள்ளார். பின்னர் அங்கிருந்து கால் டாக்சி பிடித்து இசை வெளியீட்டு விழா நடக்கும் இடத்திற்கு வருகை தந்துள்ளார். அப்போது அந்த கால் டாக்சியை ஓட்டிய டிரைவர் துணை நடிகையிடம் பாலியல் சீண்டலில் ஈடுபட்டுள்ளதாக தெரிகிறது.

இசை வெளியீட்டு விழா நிகழ்ச்சியில் பங்கேற்ற பிறகு, அந்த துணை நடிகை இது பற்றி பெரியமேடு போலீஸ் நிலையத்தில் புகார் அளித்து உள்ளார். அதன்பேரில் போலீசார் வழக்கு பதிவு செய்து விசாரனை நடத்தினர். இதில் துணை நடிகையிடம் பாலியல் சீண்டலில் ஈடுபட்டது கால் டாக்சி டிரைவர் கணேச பாண்டியன் என்பது தெரியவந்தது. இதையடுத்து அவரை கைது செய்ய போலீசார் நடவடிக்கை எடுத்து வருகிறார்கள்.

கோமாளி, லவ் டுடே, டிராகன்

இயக்குனராக கோலிவுட் திரையரங்கில் அறிமுகமான பிரதீப் ரங்கநாதனுக்கு முதல் படமே வெற்றியில் முடிந்தது. ரவி மோகன் ஹீரோவாக நடித்த கோமாளி படம் ஹிட் அடித்ததால், அடுத்ததாக தானே இயக்கி, ஹீரோவோகவும் லவ் டுடே படத்தில் நடித்தார். இந்த படமும் 100 கோடி வசூல் செய்து பெரிய ஹிட் ஆனது.

தொடர்ந்து அஸ்வத் மாரிமுத்து இயக்கத்தில் நடித்த டிராகன் படமும் ஹிட் ஆனது. இந்த படமும் ரூ.150 கோடி வசூல் செய்து மாபெரும் வெற்றியை பதிவு செய்தது. தற்போது நடித்துள்ள டியூட் படமும் மிகப்பெரிய வெற்றியை பெறும் என படக்குழுவினர் எதிர்பார்த்து உள்ளனர்.

English summary

Actor Pradeep Ranganathan's film Dude is running successfully. The incident of a taxi driver sexually harassing a supporting actress in the film has caused shock. The police have registered a case and are investigating the matter.