விவேக் விரைவில் குணமடைந்து வீடு திரும்ப இறைவனை பிரார்த்திக்கிறேன் - முதல்வர் பழனிச்சாமி ட்வீட்
விவேக் மருத்துவமனையில் அனுமதிக்கப்பட்டிருக்கும் செய்தி கேட்டு வேதனையடைந்தேன். அவர் விரைவில் குணமடைந்து வீடு திரும்ப இறைவனை பிரார்த்திக்கிறேன் என்று தமிழக முதல்வர் எடப்பாடி பழனிச்சாமி குறிப்பிட்டுள்ளார்.
சென்னை: நடிகர் விவேக் மருத்துவமனையில் அனுமதிக்கப்பட்டிருக்கும் செய்தி கேட்டு வேதனையடைந்தேன். அவர் விரைவில் குணமடைந்து வீடு திரும்ப இறைவனை பிரார்த்திக்கிறேன் என்று ட்விட்டர் பக்கத்தில் முதல்வர் பழனிச்சாமி பதிவிட்டுள்ளார்.
நகைச்சுவை நடிகர் விவேக்கிற்கு இன்று காலை திடீரென மாரடைப்பு ஏற்பட்டதால் அவர் சென்னை வடபழனியில் உள்ள தனியார் மருத்துவமனையில் அனுமதிக்கப்பட்டுள்ளார். அவரது இதயத் துடிப்பை சீராக்க எக்மோ கருவி உதவியுடன் சிகிச்சை அளிக்கப்பட்டு வருகிறது.
விவேக்கின் உடல்நிலை குறித்து பேசிய மருத்துவமனை நிர்வாகம், அவரை தீவிரமாக கண்காணித்து வருவதாகவும் எக்மோ கருவி உதவியுடன் தீவிர சிகிச்சை அளித்து வருவதாகவும் தெரிவித்திருந்தனர். செய்தியாளர்களிடம் பேசிய மருத்துவர்கள், விவேக் தீவிர கண்காணிப்பில் இருப்பதாக தெரிவித்துள்ளனர். விவேக்கின் இதயத்தில் 100 சதவிகித அடைப்பு இருந்ததால் ஆஞ்சியோ சிகிச்சை செய்யப்பட்டுள்ளதாகவும் மருத்துவர்கள் தெரிவித்துள்ளனர்.
விவேக் கொரோனா தடுப்பூசி செலுத்திக்கொண்டதற்கும், மாரடைப்பு ஏற்பட்டதற்கும் தொடர்பு இல்லை என்று சுகாதாரத்துறை செயலாளர் டாக்டர் ராதாகிருஷ்ணன் கூறியுள்ளார். மக்களுக்கு விழிப்புணர்வு ஏற்படுத்த வேண்டும் என்று நல்லெண்ணத்தில் அவர் தடுப்பூசி போட்டுக்கொண்டதாகவும் தெரிவித்தார். விவேக் உடல் நலக்குறைவினால் பாதிக்கப்பட்டிருப்பது வேதனை தருவதாகவும் கூறியுள்ளார்.
இதனிடையே விவேக் மருத்துவமனையில் அனுமதிக்கப்பட்டிருக்கும் செய்தி கேட்டு மிகவும் வேதனையடைந்துள்ளதாக முதல்வர் பழனிசாமி தெரிவித்துள்ளார். அவர் தனது ட்விட்டர் பக்கத்தில் விவேக் விரைவில் குணமடையவேண்டும் என்று வாழ்த்தியுள்ளார்.விவேக் மருத்துவமனையில் அனுமதிக்கப்பட்டிருக்கும் செய்தி கேட்டு வேதனையடைந்தேன். அவர் விரைவில் குணமடைந்து வீடு திரும்ப இறைவனை பிரார்த்திக்கிறேன் என்று ட்விட்டர் பக்கத்தில் முதல்வர் பழனிச்சாமி பதிவிட்டுள்ளார்.
விவேக் மருத்துவமனையில் அனுமதிக்கப்பட்டுள்ள செய்தி அறிந்த உடன் ரசிகர்கள் பலரும் அதிர்ச்சியடைந்துள்ளனர். விவேக் விரைவில் குணமடைய ட்விட்டர் பக்கத்தில் பதிவிட்டுள்ளனர். துணை முதல்வர் ஓபிஎஸ், தேமுதிக தலைவர் விஜயகாந்த், நடிகை குஷ்பு, கவிஞர் வைரமுத்து உள்ளிட்ட பலர் விவேக் விரைவில் மீண்டு வரவேண்டுமென பதிவிட்டுள்ளனர்.
Click it and Unblock the Notifications
Sign in with Google