சென்னையில் கொரோனா 2-வது அலையை விட.. 3-வது அலை மிக அதிவேகம்.. டேட்டாவுடன் விளக்கும் விஜயானந்த்

சென்னை: தமிழ்நாட்டில் கொரோனா வைரஸ் பாதிப்பு மீண்டும் ஜெட் வேகத்தில் சென்று வருகிறது. கடந்த 24 மணி நேரத்தில் மட்டும் தமிழகத்தில் 4,000-க்கும் மேற்பட்ட கொரோனா பாதிப்புகள் பதிவாகி உள்ளன. இரண்டு நாட்களுக்கு முன்னர் கூட பாதிப்பு 1700 ஆகத்தான் இருந்தது.

தற்போது மும்மடங்காக உயர்ந்து விட்டது. தலைநகர் சென்னையில் தினம்தோறும் கொரோனா பாதிப்பு இரட்டிப்பாகி வருகிறது. சென்னையில் நீண்ட நாட்களுக்கு பிறகு கொரோனா பாதிப்பு 2,000-ஐ கடந்து விட்டது.

சென்னைக்கு என்னாச்சு?

கடந்த 24 மணி நேரத்தில் 2481 பேருக்கு பாதிப்பு கண்டறியப்பட்டுள்ளது. தமிழ்நாட்டின் மொத்த பாதிப்பில் சென்னையில் மட்டும் 50%-க்கும் மேற்பட்ட பாதிப்புகள் உள்ளன. கொரோனா இரண்டாவது அலையில் சென்னையில் பாதிப்புகள் உயர்ந்த நிலையில் சென்னை மாநகராட்சி அதனை வெற்ற்றிகரமாக கையாண்டது. இதேபோல் உச்சத்தில் இருந்த பாதிப்பு கீழ்நோக்கி சரிந்தது.

ஒன்றரை ஆண்டுகளுக்கான டேட்டாவை பாருங்க

தற்போது கொரோனா மூன்றாவது அலையில் சென்னை வசமாக மாட்டிக்கொண்டது. அதாவது சென்னையில் இரண்டாவது அலையை விட மூன்றாவது அலையில் பாதிப்பு வீரியமாக இருப்பதாக கோவிட் டேட்டா ஆய்வாளர் விஜயானந்த் கூறியுள்ளார். இது தொடர்பாக கடந்த ஒன்றரை ஆண்டுகளுக்கான டேட்டாவை அவர் வெளியிட்டுள்ளார்.

கொரோனா இரண்டாவது அலை

இந்த டேட்டாவின்படி கடந்த 2020-ம் ஆண்டு ஜூலை மாதத்தில் சென்னையில் கொரோனா தினசரி பாதிப்பு 2,000 என்ற அளவில் இருந்துள்ளது. அதன் பிறகு கொஞ்சம் குறைந்து ஆகஸ்ட், செப்டம்பர், அக்டோபர் தினசரி பாதிப்பு 1,000 என்ற கணக்கில் சரசரியாக இருந்து. இதன் பிறகு முழுமையாக கொரோனா 2021-ம் ஆண்டு பிப்பிரவரி 1-ம் தேதி 134 பாதிப்புகளாக பதிவானது. இதனை தொடர்ந்து கொரோனா இரண்டாவது அலை வேகமெடுத்தது.

அதிஉச்சநிலை

2021-ம் ஆண்டு மார்ச் மாதத்தில் இருந்து ஜூன் மாத தொடக்கம் வரை இரண்டாவது அலை சென்னை உள்ளிட்ட தமிழகம் முழுவதும் ஆட்டிபடைத்தது. மே மாதம் 12-ம் தேதி மட்டும் சென்னையில் 7564 என்று தினசரி பாதிப்பு அதிஉச்சநிலையை அடைந்தது. இதனை தொடர்ந்து இரண்டாவது அலை முடிவுக்கு வந்து ஜூலை முதல் நவம்பர் வரை சென்னையில் 200-க்கும் கீழான பாதிப்புகளே பதிவாகின. நவம்பர் 26-ம் தேதி வெறும் 102 பாதிப்புகள் என மிக குறைவாக தொற்று பதிவானது.

3-வது அலை மிக வேகம்

ஆனால் இதன்பிறகு நிலைமை தலைகீழாக மாறத் தொடங்கியது. கடந்த மாதம் டிசம்பர் நடுப்பகுதி முதல் கொரோனா வேகம் எடுக்க தொடங்கியது. நவம்பர் 26-ம் தேதி 102 பாதிப்புகள் இருந்த நிலையில் சுமார் 45 நாட்களுக்காகவே 2481 பேருக்கு பாதிப்பு(இன்றைய பாதிப்பு) கண்டறியப்பட்டுள்ளது. 2-வது அலையை விட 3-வது அலை வேகம் எடுப்பதற்கு இதுவே சான்று எனப்படும் வகையில் விஜயானந்த் டேட்டா தெளிவாக கூறுகிறது.

English summary

covid Data Analyst Vijayanand said the impact of the third wave was more severe in Chennai than the second wave. As of November 26, there were 102 infections, of which 2481 were diagnosed (today) for about 45 days