கல்லூரி மாணவர்களுக்கு ஆண்டு முழுவதும் இலவச 2ஜிபி டேட்டா - அதிமுக தேர்தல் அறிக்கை!
சென்னை: ஆண்டு முழுவதும் கல்லூரி மாணவர்களுக்கு இலவச 2ஜிபி டேட்டா வழங்கப்படும் என்று அதிமுக தேர்தல் அறிக்கையில் அறிவிக்கப்பட்டுள்ளது.
மேலும் அரசுப் பள்ளி மாணவர்களுக்கும் லேப்டாப் இலவசமாக வழங்கப்படும் என்றும் தேர்தல் அறிக்கையில் கூறப்பட்டுள்ளது.
தமிழகத்தில் தேர்தல் களம் விறுவிறுப்பை எட்டியுள்ளது. திமுக வேட்பாளர் பட்டியலை வெளியிட்டு தேர்தல் அறிக்கையும் வெளியிட்டது. அதிமுகவும் இன்று தேர்தல் அறிக்கை வெளியிடும் என்று கூறப்பட்டது. அதன்படி சட்டமன்ற தேர்தலுக்கான அதிமுகவின் தேர்தல் அறிக்கை இன்று வெளியிடப்பட்டது. ராயப்பேட்டையில் உள்ள அதிமுக தலைமையகத்தில் தேர்தல் அறிக்கையை ஓ.பி.எஸ், இ.பி.எஸ் கூட்டாக வெளியிட்டனர்.
ஏற்கனவே கல்லூரி மாணவர்களுக்கு அரியர் தேர்வை ரத்து செய்து மாணவர்களை குளிர்வித்த அரசு தற்போது மாணவர்களை முழுவதுமாக கவர்ந்திழுத்துள்ளது. அதாவது ஆண்டு முழுவதும் கல்லூரி மாணவர்களுக்கு இலவச 2ஜிபி டேட்டா வழங்கப்படும் என்று தேர்தல் அறிக்கையில் அறிவிக்கப்பட்டுளள்து. மேலும் அரசுப் பள்ளி மாணவர்களுக்கும் லேப்டாப் இலவசமாக வழங்கப்படும் என்றும் தேர்தல் அறிக்கையில் கூறப்பட்டுளள்து. ஏற்கனவே 9,10-ம் வகுப்பு தேர்வுகள் ரத்து செய்த நிலையில் அரசின் இந்த அறிவிப்பு மாணவர்களை குஷிப்படுத்தி உள்ளது.
Click it and Unblock the Notifications
Sign in with Google