ஜனநாயகன் பஞ்சாயத்து ஓவர்.. ரிலீஸ் தேதி வந்துடுச்சு! குஷியான விஜய் ரசிகர்கள்!

சென்னை: சென்சார் போர்டு சான்றிதழ் வழங்காததால், ஜனநாயகன் திரைப்படம் இன்றும் வெளியாகமல் இருக்கிறது. இது தொடர்பான வழக்கில் நாளை தீர்ப்பு வெளியாக இருக்கிறது. இந்நிலையில், திரைப்பட வெளியீடு தேதி குறித்த தகவல்கள் கசிந்திருக்கின்றன.

பொங்கலுக்கு வெளியாகும் என்று எதிர்பார்க்கப்பட்ட ஜனநாயகன், இத்தனை நாட்கள் தள்ளிப்போய் இருப்பது விஜய் ரசிகர்களை அப்செட் செய்திருக்கிறது. இந்நிலையில் தற்போது ரிலீஸ் தேதி குறித்த தகவல்கள், ரசிகர்களை ஓரளவுக்கு ஆசுவாசப்படுத்தியிருக்கிறது.

விஜய்யின் கடைசி திரைப்படம் என்று சொல்லப்படும் ஜனநாயகன், ஜன.9ம் தேதி வெளியாக இருந்தது. திரைப்படத்தின் தணிக்கை சான்றிதழுக்காக கடந்த டிச.18ம் தேதி தயாரிப்பு நிறுவனம் விண்ணப்பித்திருந்தது. இருப்பினும், மத்திய திரைப்பட தணிக்கை வாரியம், கடைசி நேரத்தில் சில காட்சிகளை வெட்ட வேண்டும் என்று கேட்டது.

குறிப்பாக படத்தில் மத உணர்வுகள் மற்றும் இந்திய ராணுவம் குறித்து சர்ச்சைக்குரிய கருத்துக்கள் இடம் பெற்றிருப்பதாகவும், எனவே படத்தை 9 பேர் கொண்ட மறு ஆய்வுக் குழுவுக்கு, தணிக்கை வாரியத்தின் தலைவர் அனுப்பி வைத்தார். இதை எதிர்த்து சென்னை உயர்நீதிமன்றத்தில் தயாரிப்பு நிறுவனம் வழக்கு தொடுக்க.. படத்திற்கு U/A 16+ சான்றிதழ் வழங்கி, படத்தை வெளியிட வேண்டும் என்று நீதிமன்றம் உத்தரவும் கொடுத்தது. ஆனால், தணிக்கை வாரியம், உடனடியாக மேல்முறையீடு செய்தது.

இதற்கிடையில் திரைப்படத்தின் ஓடிடி விநியோக உரிமையை பெற்ற அமேசான், படம் வெளியாக தாமதமாவதால்.. தங்களுக்கு நிதியிழப்பு ஏற்பட்டிருப்பதாகவும் கூறியிருந்தது. எனவே திரைப்படத்திற்கு நெருக்கடி அதிகரித்தது. இப்படி இருக்கையில், மேல் முறையீடு வழக்கு சென்னை உயர்நீதிமன்றத்தில் 2 நீதிபதிகள் கொண்ட அமர்வு முன்பு விசாரணைக்கு வந்தது. விசாரணை நிறைவடைந்திருக்கும் நிலையில், நாளை வழக்கில் தீர்ப்பு வழங்கப்பட இருக்கிறது.

பிரச்சனை இப்படி இருக்க.. பிப் 6-ஆம் தேதி உலகம் முழுவதும் ஜனநாயகன் ரிலீஸ் ஆகும் என்று தகவல்கள் வெளியாகியுள்ளன. திரைப்படத்திற்கு சென்சார் போர்டு U/A சான்றிதழை வழங்க உள்ளதாகவும் தகவல்கள் வெளியாகியுள்ளன. இந்த தகவல்கள் எதுவும் தற்போது வரை உறுதிப்படுத்தப்படவில்லை என்பது குறிப்பிடத்தக்கது.

English summary

Jananayagan Release Update: Due to the Censor Board not issuing a certificate, the film 'Jananayagan' remains unreleased. The verdict in the related case is expected tomorrow. Meanwhile, information regarding the film's release date has been leaked.