தமிழகத்தில் 4 தொகுதிகளுக்கு ம.நீ.ம. வேட்பாளர்கள் அறிவிப்பு; புதுவையிலும் 5 வேட்பாளர்கள் அறிவிப்பு!
சென்னை: தமிழகத்தில் மக்கள் நீதி மய்யத்தின் சார்பில் 4 தொகுதிகளுக்குவேட்பாளர் பட்டியல் வெளியிடப்பட்டுள்ளது. இதேபோல் புதுவையிலும் 5 தொகுதிகளுக்கு வேட்பாளர் பட்டியல் அறிவித்துளளது.
தமிழகம், புதுச்சேரியில் மக்கள் நீதி மய்யம் தலைமையில் சமத்துவ மக்கள் கட்சி, இந்திய ஜனநாயக கட்சி, சோசலிஸ்ட் கம்யூனிஸ்ட் (எஸ்யூசிஐ) ஆகியவை கூட்டணி அமைத்து தேர்தலை சந்திக்கின்றன.
கூட்டணி கட்சிகளுக்கு தொகுதிகள் ஒதுக்கப்பட்டு விட்டன. மக்கள் நீதி மய்யம் தமிழகம் மற்றும் புதுவையில் வேட்பாளர் பட்டியல் வெளியிட்டு வருகிறது. கட்சியின் தலைவர் கமல்ஹாசன் கோவை தெற்கு தொகுதியில் போட்டியிடுவார் என்று அறிவிக்கப்பட்டது.
இந்த நிலையில் தமிழகத்தில் மக்கள் நீதி மய்யம் 4 தொகுதிகளுக்கான 4-ம் கட்ட வேட்பாளர் பட்டியலை வெளியிட்டுள்ளது. சோளிங்கர் -ஜவகர், அரக்கோணம்(தனி) பாஸ்கரன், ஆத்தூர்(திண்டுக்கல்) சிவசக்திவேல், வேடசந்தூர் - வெற்றிவேல் ஆகியோர் வேட்பாளர்கள் அறிவிக்கப்பட்டுள்ளனர்.
இதேபோல் புதுவையிலும் 5 தொகுதிகளுக்கு மூன்றாம் கட்டமாக வேட்பாளர்கள் அறிவிக்கப்பட்டுள்ளனர். மாஹே - ஜலால், நெடுங்காடு - அரவிந்த்ராஜ், திருநள்ளாறு - பிச்சராசு, காரைக்கால்(தெற்கு) - சூசை, நிரவி - முகமது ஹாஜா பத்ருதீன் ஆகியோர் வேட்பாளர்கள் அறிவிக்கப்பட்டுள்ளனர் என்று மக்கள் நீதி மய்யம் வெளியிட்ட அறிவிப்பில் கூறப்பட்டுள்ளது.
Click it and Unblock the Notifications
Sign in with Google