சென்னையில் ரஜினியை சந்தித்த மேரிகோம்!

சென்னை : பிரபல குத்துச்சண்டை வீராங்கனை மேரிகோம் நடிகர் ரஜினிகாந்தை அவருடைய வீட்டில் சந்தித்துள்ளார். ரஜினியின் மனைவி லதா ரஜினிகாந்த் ஏற்பாடு செய்துள்ள நிகழ்ச்சிக்கு சிறப்பு விருந்தினராக சென்னை வந்துள்ள மேரிகோம் போயஸ் கார்டன் இல்லத்தில் ரஜினியை சந்தித்தார்.

பிரபல குத்துச்சண்டை வீராங்கனை மேரிகோம் போயஸ் கார்டன் இல்லத்தில் நடிகர் ரஜினிகாந்தை சந்தித்துள்ளார். ரஜினியின் மனைவி லதா 'குழந்தைகளுக்கான அமைதி' என்ற நிகழ்ச்சி ஒன்றிற்கு ஏற்பாடு செய்துள்ளார். சென்னை திருவான்மியூரில் நடந்த நிகழ்ச்சிக்கு சர்வதேச உலக பெண் குத்துச்சண்டை வீராங்கனைகளில் 4வது இடத்தில் இருக்கும் மேரி கோம் சிறப்பு விருந்தினராக அழைக்கப்பட்டிருந்தார்.

இந்த நிகழ்ச்சியில் பங்கேற்பதற்காக சென்னை வந்த மேரி கோம் போயஸ் கார்டனில் உள்ள ரஜினிகாந்த் வீட்டில் அவரை சந்தித்துள்ளார். மேரி கோமும், ரஜினியும் சிரித்த முகத்தோடு குத்துச்சண்டை போஸ் கொடுக்கும் புகைப்படம் வெளியான அடுத்த நிமிடத்தில் வாட்ஸ் அப் உள்ளிட்ட சமூக வலைதளத்தில் அதிகம் பகிரப்பட்டுவிட்டது.

English summary

Indian boxer Mary kom in chennai to attend Latharajinikanth's peace of children function met actor Rajinikanth at his poes garden residence.