பொதுவாழ்வில் போற்றத்தக்கவர் பன்வாரிலால்... ஆளுநருக்கு மு.க.ஸ்டாலின் பிறந்தநாள் வாழ்த்து..!

சென்னை: தமிழக ஆளுநர் பன்வாரிலால் புரோஹித்துக்கு திமுக தலைவர் மு.க.ஸ்டாலின் பிறந்தநாள் வாழ்த்து தெரிவித்துள்ளார்.

இது தொடர்பாக அவர் விடுத்துள்ள வாழ்த்துச்செய்தியில்;

''மாண்புமிகு தமிழக ஆளுநர் திரு. பன்வாரிலால் புரோகித் அவர்களுக்கு எனது மனமார்ந்த பிறந்தநாள் வாழ்த்துகளைத் தெரிவித்துக் கொள்கிறேன்.''

''தமிழகத்தின் மீதும் - தமிழக மக்கள் மீதும் மிகுந்த பாசம் கொண்டிருக்கும் தமிழக ஆளுநர் அவர்கள் பொதுவாழ்வில் போற்றத்தக்க பணியாற்றியவர். அரசியலிலும் - நிர்வாகத்திலும் பழுத்த அனுபவம் கொண்ட அவர், நான் சந்தித்த நேரங்களில் எல்லாம் என்னிடம் தனிப்பட்ட முறையில் அன்பு பாராட்டியவர்.''

''அவரது பொதுவாழ்வு மென்மேலும் சிறக்க - ஆரோக்கியத்துடனும், நலமுடனும் பல்லாண்டு வாழ்ந்து - தமிழகத்திற்கும், நம் நாட்டிற்கும் ஆற்றல்மிகுந்த சேவையாற்றிட வேண்டும் என்று இதயபூர்வமாக வாழ்த்துகிறேன்.''

இவ்வாறு ஆளுநரை பாராட்டி ஸ்டாலின் தனது வாழ்த்துச்செய்தியில் குறிப்பிட்டுள்ளார். திமுக ஆட்சி அமைக்கும் என கருத்துக்கணிப்புகள் கூறி வரும் சூழலில் ஸ்டாலின் முதலமைச்சராக பதவியேற்றால், அவருக்கு பதவிப்பிரமாணம் செய்து வைக்க வேண்டிய இடத்தில் இருக்கிறார் பன்வாரி லால் புரோஹித் என்பது குறிப்பிடத்தக்கது.

English summary

Mk Stalin birthday wishes to the Governor Banwarilal purohit