ஸ்டாலினுக்கு 41.2% சதவீத மக்கள் ஆதரவு! மீண்டும் முதலமைச்சராக வருவார் என CNN கருத்துக்கணிப்பு ரிசல்ட்

சென்னை: தமிழகத்தில் விரைவில் சட்டமன்ற தேர்தல் நடைபெற இருக்கிறது. இந்நிலையில், சிஎன்என் நியூஸ் 18 செய்தி ஊடகம் கருத்துக்கணிப்பை நடத்தியிருந்தது. இதில், மு.க.ஸ்டாலினுக்கு 41.2% சதவீத மக்கள் ஆதரவு தெரிவித்திருக்கின்றனர்.

முதலமைச்சர் மு.க.ஸ்டாலினின் செயல்பாடுகளுக்கு, சிறப்பாக இருப்பதாக 32.8% மக்களும், நன்றாக இருக்கிறது என 7% மக்களும், பரவாயில்லை என 12.3% மக்களும் தெரிவித்திருப்பதாக கருத்துக்கணிப்பில் தெரிவிக்கப்பட்டிருக்கிறது.

அதேபோல அடுத்த முதலமைச்சர் யார் என்கிற கேள்விக்கு..

• மு.க.ஸ்டாலின் - 41.2%
• எடப்பாடி பழனிசாமி - 37.5%
• விஜய் 14.9%

என மக்கள் பதிலளித்துள்ளதாக கணிப்பில் தெரிவிக்கப்பட்டிருக்கிறது. அதேபோல வாக்களர்களின் பிரதான பிரச்சனை என்ன என்கிற கேள்விக்கும் பதில் கிடைத்திருக்கிறது.

• பெண்களின் பாதுகாப்பு - 17.8%
• சட்டம் ஒழுங்கு - 17.3%
• மது மற்றும் போதை - 16.9%
• வேலையிண்மை பிரச்சனை - 15.5%
• ஊழல் 7.2%
• வளர்ச்சியின்மை - 5.2
• விலைவாசி உயர்வு - 5.2
• மொழி திணிப்பு - 4.4
• ஜனநாயக அமைப்புக்கான ஆபத்து - 4.1%

என மக்கள் பதிலளித்துள்ளதாக சிஎன்என் வெளியிட்ட கருத்துக்கணிப்பில் தெரிவிக்கப்பட்டிருக்கிறது. அதேபோல தற்போதைய எம்எல்ஏ மீண்டும் போட்டியிட்டால் அவருக்கு வாக்களிப்பீர்களாக என்கிற கேள்விக்கு

• நிச்சயமாக என - 35.9% மக்களும்
• நிச்சயமாக வாய்ப்பில்லை என - 28.7% மக்களும்
• வாய்ப்பில்லை என - 18.7% மக்களும்
• சொல்வதற்கில்லை என - 11.1% மக்களும்
• ஒருவேளை வாக்களிக்கலாம் என - 5.6% மக்களும் பதிலளித்துள்ளனர்.

English summary

MK Stalin: Assembly elections are set to take place soon in Tamil Nadu. Against this backdrop, the news media outlet CNN-News18 conducted an opinion poll. In this survey, 41.2% of the people expressed their support for M.K. Stalin.