Cyclone Ditwah: ரெட் அலர்ட்.. திருவள்ளூர் மாவட்ட மக்களே கவனம்! அவசர உதவி எண்கள் அறிவித்த தமிழக அரசு

சென்னை: டிட்வா புயல் காரணமாக நாளை திருவள்ளூர் மாவட்டத்திற்கு ரெட் அலர்ட் எச்சரிக்கை விடப்பட்டுள்ளது. இதனால், பல்வேறு பாதுகாப்பு நடவடிக்கைகள் மேற்கொள்ளப்பட்டுள்ளன. மேலும் முன்னெச்சரிக்கை நடவடிக்கையாக அவசர உதவி எண்களும் அறிவிக்கப்பட்டுள்ளது. பேரிடர் கால கட்டுப்பாட்டு அறை எண் - 1077, வாட்ஸ் அப் எண்கள் - 94443 17862, 94989 01077, மருத்துவ உதவிக்கு 93848 14050 என்ற எண்ணை தொடர்பு கொள்ளலாம் என அறிவிக்கப்பட்டுள்ளது.

வங்கக் கடலில் உருவான டிட்வா புயல் வட தமிழகத்தை நோக்கி நகர்ந்து வருகிறது. இரவு 9 மணியளவில் டிட்வா புயலானது வேதாரண்யத்தில் இருந்து 80 கிமீ தொலைவில் மையம் கொண்டுள்ளது. தொடர்ந்து வடக்கு - வட மேற்கு திசையில் நகர்ந்து வருகிறது. இதன் காரணமாக நாளை திருவள்ளூர் மற்றும் ராணிப்பேட்டை மாவட்டங்களில் அதி கனமழை பெய்யக்கூடும் என ரெட் அலர்ட் எச்சரிக்கை விடப்பட்டுள்ளது.

இதன் காரணமாக திருவள்ளூர் மாவட்டத்தில் பல்வேறு பாதுகாப்பு நடவடிக்கைகள் மேற்கொள்ளப்பட்டுள்ளன. பேரிடர் மீட்பு குழுவினர் திருவள்ளூர் விரைந்துள்ளனர். மேலும் மக்களும் தேவையின்றி வெளியில் வர வேண்டாம் எனவும் எச்சரிக்கை அறிவிப்பு வெளியிடப்பட்டு உள்ளது. இந்த நிலையில் திருவள்ளூர் மாவட்டத்தில் முன்னெச்சரிக்கை நடவடிக்கையாக அவசர கால உதவி எண்களை அம்மாவட்ட ஆட்சியர் பிரதாப் அறிவித்துள்ளார். இதன்படி,

* பேரிடர் கால கட்டுப்பாட்டு அறை எண் - 1077,
* வாட்ஸ் அப் எண்கள் - 94443 17862, 94989 01077,
* மருத்துவ உதவிக்கு 93848 14050
* கட்டுப்பாட்டு அறை உதவி எண்கள் - 044-2766 4177, 044-2766 6746, 044-2766 0035
* கால்நடை பாதிப்பிற்கு 1962 ஆகிய எண்களை தொடர்பு கொள்ளலாம் என அறிவிக்கப்பட்டுள்ளது.

English summary

Due to Cyclone Ditwah, a Red Alert has been issued for Tiruvallur district for tomorrow. Several safety and precautionary measures have been implemented, and emergency helpline numbers have been released. The disaster control room can be reached at 1077, WhatsApp helplines at 94443 17862 and 94989 01077, and medical assistance at 93848 14050.