தனியார் ஆம்புலன்ஸ்களுக்கு கட்டணம் நிர்ணயம்: தமிழக அரசு உத்தரவு

சென்னை: கொரோனா தொற்று உச்சம் பெற்று வரும் நிலையில் தனியார் ஆம்புலன்ஸ்களுக்கு கட்டணம் நிர்ணயம் செய்து தமிழக அரசு உத்தரவு பிறப்பித்துள்ளது.

சாதாரண ஆம்புலன்ஸ் வாகனங்களுக்கு முதல் 10 கிலோ மீட்டருக்கு ரூ.1000 கட்டணம் நிர்ணயிக்கப்பட்டுள்ளது. 10கி.மீக்கு மேல் ஒவ்வொரு கிலோமீட்டருக்கும் ரூ.25 கட்டணம் என அறிவிக்கப்பட்டுள்து

ஆக்சிஜன் வசதி உள்ள ஆம்புலன்ஸ் வாகனங்களுக்கு 10 கி.மீ.க்கு ரூ.1500 கட்டணம் நிர்ணயிக்கப்பட்டுள்ளது. அதற்கு மேல் ஒவ்வொரு கி.மீ.க்கும் ரூ.50 கட்டணம் நிர்ணயிக்கப்பட்டுள்ளது.

வெண்டிலேட்டர் உள்ளிட்ட நவீன சிகிச்சை கருவிகள் உள்ள ஆம்புலன்சுகளுக்கு 10 கி.மீக்கு 4000 கட்டணம் நிர்ணயிக்கப்பட்டுள்ளது.

அரசு அறிவித்துள்ள இந்த கட்டணத்தை மீறி அதிக கட்டணம் வசூலித்தால் நடவடிக்கை பாயும் என தமிழக அரசு சார்பில் அறிவிக்கப்பட்டுள்ளது.

English summary

Tamil Nadu Government fixing Fare for private ambulances. 1000 rupees to 4000 rupees for Fare for private ambulances.