தமிழ்நாட்டில் 34 மாவட்டங்களில் ரூ.102ஐ தாண்டிய பெட்ரோல் விலை.. போபாலில் ரூ.110க்கு பெட்ரோல் விற்பனை

சென்னை: இன்று பெட்ரோல், டீசல் விலையில் எந்த மாற்றமும் இல்லை. தொடர்ந்து தமிழ்நாட்டில் 101 ரூபாய்க்கும் அதிகமான விலையிலேயே பெட்ரோல் விற்பனை செய்யப்பட்டு வருகிறது.

கடந்த சில மாதங்களாக இந்தியாவில் பெட்ரோல், டீசல் விலை தொடர்ந்து உயர்ந்து கொண்டே வருகிறது. 70 ரூபாய்க்கு விற்ற பெட்ரோல் வேகமாக உயர்ந்து தற்போது 100 ரூபாயை தாண்டிவிட்டது. கடைசியாக 2019 நவம்பரில் விராட் கோலி சர்வதேச போட்டிகளில் சதம் அடித்தார். அப்போது பெட்ரோல் விலை சென்னையில் 70 -75 ரூபாய் இருந்தது.

அவர் இன்னும் அடுத்த சதம் அடிக்கவில்லை. அதற்குள் இந்தியாவில் பெட்ரோல், டீசல் விலை சதம் அடித்துவிட்டது.சர்வதேச சந்தையில் ஒரு பேரல் கச்சா எண்ணெய் சமயங்களில் குறையும் சமயங்களில் கூட இந்தியாவில் பெட்ரோல் டீசல் விலை தொடர்ந்து உயர்ந்து கொண்டே வருகிறது. பல மாநிலங்களில் பெட்ரோல் விழா 103 ரூபாயை தாண்டிவிட்டது.

இன்று பெட்ரோல் விலையில் எந்த மாற்றமும் ஏற்படவில்லை. நேற்றைய விலையிலேயே பெட்ரோல், டீசல் விற்பனை செய்யப்படுகிறது. சென்னையில் பெட்ரோல் விலை 101.92 ரூபாய்க்கு விற்பனை.சென்னையில் டீசல் விலை 94.24 விலைக்கு விற்பனை.

34 மாவட்டங்களில் தமிழ்நாட்டில் பெட்ரோல் விலை ரூ.102 ஐ தாண்டி உள்ளது. ஈரோடு,கள்ளக்குறிச்சி,காஞ்சிபுரம்,ராணிப்பேட்டை,சேலம்,சிவகங்கை, தென்காசி, தஞ்சாவூர், தேனி, திருப்பத்தூர், திருவண்ணாமலை, செங்கல்பட்டு, திருவாரூர், தூத்துக்குடி, திருப்பூர், வேலூர், விழுப்புரம்,விருதுநகர், மயிலாடுதுறை, அரியலூர், கோவை, கடலூர்,தர்மபுரி, கன்னியாகுமரி, கரூர், கிருஷ்ணகிரி, மதுரை, நாகப்பட்டினம், நாமக்கல், திண்டுக்கல், , நீலகிரி, பெரம்பலூர், புதுக்கோட்டை, ராமநாதபுரம் ஆகிய மாவட்டங்களில் பெட்ரோல் விலை 102-103 ரூபாய்க்கு விற்பனை செய்யப்படுகிறது.

டெல்லியில் பெட்ரோல் விலை 101.19 ரூபாய்க்கு விற்கப்படுகிறது. டீசல் விலை 89.72 ரூபாய்க்கு விற்கப்படுகிறது. ஹைதராபாத்தில் பெட்ரோல் விலை 102.32 ரூபாய்க்கு விற்கப்படுகிறது. டீசல் விலை 96.51 ரூபாய்க்கு விற்கப்படுகிறது.

பெங்களூரில் பெட்ரோல் விலை 104.75 ரூபாய்க்கு விற்கப்படுகிறது. டீசல் விலை 95.99 ரூபாய்க்கு விற்கப்படுகிறது. மும்பையில் பெட்ரோல் விலை 107.56 ரூபாய்க்கு விற்கப்படுகிறது. டீசல் விலை 97.16 ரூபாய்க்கு விற்கப்படுகிறது.

இந்தியாவில் அதிகபட்சமாக பெட்ரோல் விலை மத்திய பிரதேச மாநிலம் போபாலில் 110 ரூபாய்க்கு விற்பனை செய்யப்படுகிறது. அங்கு டீசல் விலை 98.69 ரூபாய்க்கு விற்பனை செய்யப்படுகிறது.

இந்தியாவில் தினமும் எண்ணெய் நிறுவனங்களே பெட்ரோல், டீசல் விலையை உயர்த்தலாம் என்று விதி கொண்டு வந்த பின் தினமும் பெட்ரோல் டீசல் விலை உயர்த்தப்பட்டு வருகிறது. கொரோனா காலத்தில் மக்கள் அவதிப்படும் போதும் கூட பெட்ரோல், டீசல் விலை தொடர்ந்து உயர்த்தப்பட்டுக் கொண்டே இருக்கின்றது.

English summary

Tamilnadu: 1-liter Petrol sells for more than 102 Rs in 34 districts, Bhobal sells petrol at 110 rs. .