கிருஷ்ணகிரியில் இருந்து வந்து மொத்தமாக திமுகவில் இணைந்த த.மா.கா. பிரபலங்கள்!

சென்னை: திமுக தலைவர் முக ஸ்டாலின் முன்னிலையில் கிருஷ்ணகிரி மேற்கு மாவட்ட த.மா.கா. மாவட்ட அவைத் தலைவர் கே.ஜி. பிரகாஷ் தலைமையில் மாவட்ட நிர்வாகிகள் தி.மு.க.வில் இணைந்தனர்.

அண்மைக் காலமாக திமுகவில் மாற்றுக்கட்சியினர் பலர் இணைந்து வருகிறார்கள். அண்மையில் ரஜினி மக்கள் இயக்கத்தைச் சேர்ந்த மாவட்ட நிர்வாகிகள் உள்பட பலர் இணைந்தனர்.

இந்நிலையில் இன்று தமாகாவினர் பலர் திமுகவில் இணைந்துள்ளனர். திமுக தலைவர் முக ஸ்டாலின் முன்னிலையில் இன்று (10.2.2021), காலை, அண்ணா அறிவாலயத்தில, கிருஷ்ணகிரி மேற்கு மாவட்டம், தமிழ் மாநில காங்கிரஸ் (த.மா.கா.) மாவட்ட அவைத் தலைவர் கே.ஜி. பிரகாஷ், ஒசூர் வட்டாரத் தலைவர் கே.ஜி. நாகராஜ் ரெட்டி, இளைஞர் அணி செயலாளர் பி.வி. ராகேவேந்திரா, மாநில இளைஞர் அணி இணைச் செயலாளர் ஜி. பிரசன்னா, மாவட்ட துணைச் செயலாளர் சென்னிரப்பா, மாவட்டச் செயலாளர்கள் எம். நாராயணப்பா, எம். ஸ்ரீராமலு, இணைச் செயலாளர் ஹரிஷ், மாவட்ட தொழிற்சங்க செயலாளர் மெஹபூப், மண்டல தலைவர் பி. மதன், தொழிற்சங்க இணைச் செயலாளர் எம். முகமது ராஹில், எம். பூசன்குமார், கிளைத் தலைவர் எஸ். தாதேசன், தொழிற்சங்க மண்டலத் தலைவர்வி. சீதாராமன், மண்டலத் தலைவர் கார்த்தி, மாவட்ட செயற்குழு உறுப்பினர் ஜனா ஆகியோர் தி.மு.க.வில் இணைந்தனர்.

இவர்கள் திமுகவில் இணையும் போது திமுக முதன்மைச் செயலாளர் கே.என். நேரு, துணை பொதுச் செயலாளர் ஆ. இராசா, எம்.பி., ஆகியோர் உடனிருந்தனர்.

English summary

tamil manila congress krishnagiri districts leaders and party cadres joins dmk in front of mk stalin at anna arivalayam. chennai.