தமிழ்நாட்டுக்கு ரூ. 4,144 கோடி நிதியை விடுவித்தது மத்திய அரசு.. உ.பி, பீகாருக்கு எவ்வளவுனு பாருங்க!

Published: Wednesday, October 1, 2025, 22:14 [IST]

Subscribe to Oneindia Tamil

சென்னை: மத்திய அரசின் நிதி அமைச்சகம், மாநிலங்களுக்கான வரி பகிர்வை இன்று விடுவித்து அறிவித்துள்ளது. அதன்படி தமிழ்நாட்டிற்கு ரூ.4 ,144 கோடி விடுவிக்கப்பட்டுள்ளது. பண்டிகைக் காலச் செலவினை கருத்தில் கொண்டு, 10 நாட்கள் முன்பாகவே இந்த தொகை மாநிலங்களுக்கு விடுவிக்கப்பட்டுள்ளது.

மத்திய அரசு தமது வரி வருவாயில் கிடைக்கும் நிதியில் குறிப்பிட்ட பகுதியை மாநிலங்களுக்கு பிரித்து வழங்கி வருகிறது. நிதி ஆணையத்தின் பரிந்துரைகளின் அடிப்படையில் மாநிலங்களுக்கான நிதி பகிர்வு மேற்கொள்ளப்படுகிறது. மாநில அரசுகள் அரசு நலத்திட்டங்கள் மற்றும் வளர்ச்சி பணிகளுக்கு தேவையான நிதிக்கு இது பயன்படுத்தப்படுகிறது.

இந்த நிதியை மாநிலங்கள் தமது வளர்ச்சி, மேம்பாடு மற்றும் நலத்திட்டங்கள் போன்ற பல்வேறு செலவினங்களுக்குப் பயன்படுத்தலாம். இந்நிலையில் பண்டிகை காலத்தை முன்னிட்டு அக்டோபர் 10 ஆம் தேதி வழங்கப்படவிருந்த நிதியை 10 நாட்களுக்கு முன்னதாகவே இன்று மத்திய அரசு விடுவித்துள்ளது.

இதன் அடிப்படையில் தமிழ்நாட்டிற்கு ரூ. 4,144 கோடி நிதி விடுவிக்கப்பட்டுள்ளது. அதிகபட்சமாக உத்தர பிரதேச மாநிலத்துக்கு ரூ.18,227 கோடியும், பீகாருக்கு ரூ.10,219 கோடியும் விடுவிப்பு. ம.பி., ரூ.7,676 கோடியும் மகாராஷ்டிரா ரூ.6,418 கோடியும் நிதி விடுவிக்கப்பட்டுள்ளது. ஒட்டுமொத்தமாக மத்திய வரிப் பகிர்வில் இருந்து மாநிலங்களுக்கு ரூ. 1,01,603 கோடி விடுவிக்கப்பட்டுள்ளது.

மாநில வாரியாக விடுவிக்கப்பட்டுள்ள தொகை வருமாறு:

ஆந்திரா - ரூ. 4,112 கோடி
அருணாசல பிரதேசம் - ரூ. 1,785 கோடி
அசாம் - ரூ. 3178 கோடி
பீகார் - ரூ. 10219 கோடி
சத்தீஸ்கர் - ரூ. 3462 கோடி
கோவா - ரூ. 392 கோடி
குஜராத் - ரூ. 3534 கோடி
ஹரியானா - ரூ. 11111 கோடி
இமாச்சல பிரதேசம் - ரூ. 843 கோடி
ஜார்க்கண்ட் - ரூ. 3360 கோடி

கர்நாடகா - ரூ. 3705 கோடி
கேரளா - ரூ. 1956 கோடி
மத்திய பிரதேசம் - ரூ. 7976 கோடி
மகாராஷ்டிரா - ரூ. 6418 கோடி
மணிப்பூர் ரூ. 727 கோடி
மேகாலயா - ரூ. 779 கோடி
மிசோரம் - ரூ. 508 கோடி
நாகலாந்து - ரூ. 578 கோடி

ஒடிசா - ரூ. 4601 கோடி
பஞ்சாப் - ரூ. 1836 கோடி
ராஜஸ்தான் - ரூ. 6123 கோடி
சிக்கிம் - ரூ. 394 கோடி
தமிழ்நாடு - ரூ. 4144 கோடி
தெலங்கானா - ரூ. 2136 கோடி
திரிபுரா - ரூ. 719 கோடி
உத்தரப் பிரதேசம் - ரூ. 18,227 கோடி
உத்தரகாண்ட் - ரூ. 1136 கோடி
மேற்கு வங்கம் - ரூ. 7644 கோடி

Published On October 1, 2025