CBSE பிளஸ் 2 தேர்வுகள் அதிரடி ரத்து.. சவுதி உள்பட 7 மத்திய கிழக்கு நாடுகளில் மீண்டும் ஒத்திவைப்பு

டெல்லி: ஈரான் போர் காரணமாக மத்திய கிழக்கு நாடுகளான ஈரான், பஹ்ரைன், குவைத், ஓமன், கத்தார், சவுதி அரேபியா , ஐக்கிய அரபு அமீரகம் உள்ளிட்டவற்றில் நாளை (மார்ச் 16) தொடங்குவதாக அறிவிக்கப்பட்ட சிபிஎஸ்இ 12ம் வகுப்பு தேர்வுகள் ரத்து செய்யப்பட்டுள்ளன. இதற்கான அறிவிப்பு சிபிஎஸ்இ சார்பில் இன்று வெளியிடப்பட்டுள்ளது.

மத்திய கிழக்கு நாடாக ஈரான் உள்ளது. ஈரான் மீது அமெரிக்காவும், இஸ்ரேலும் போர் புரிந்து வருகிறது. இதற்கு ஈரானும் பதிலடி கொடுத்து வருகிறது. அமெரிக்காவின் பாதுகாப்பு படை தளங்கள் உள்ள பஹ்ரைன், குவைத், ஓமன், கத்தார், சவுதி அரேபியா , ஐக்கிய அரபு அமீரகம் உள்பட பல நாடுகளின் மீது ஈரான் தாக்குதல் நடத்தி வருகிறது.

இதனால் மொத்த மத்திய கிழக்கு பிராந்தியமும் போர்மேகங்களால் சூழப்பட்டுள்ளது. பொதுமக்கள் அச்சமடைந்துள்ளனர். குறிப்பாக நம் நாட்டில் இருந்து ஏராளமானவர்கள் மத்திய கிழக்கு நாடுகளில் தங்கி பணியாற்றி வருகின்றனர். அவர்களின் குழந்தைகளை அங்கேயே படிக்க வைத்து வருகின்றனர்.

இந்த மத்திய கிழக்கு நாடுகளில் சிபிஎஸ்இ பள்ளிகள் இயங்கி வருகின்றன. இந்தியாவை சேர்ந்த பல மாணவ-மாணவிகள் இந்த பள்ளிகளில் படித்து வருகின்றனர். தற்போதைய போரால் இந்த பள்ளிகளில் சிபிஎஸ்இ 10ம் வகுப்பு தேர்வுகள், 12ம் வகுப்பு தேர்வுகள் ஏற்கனவே ரத்து செய்யப்பட்டன. அதேவேளையில் பிளஸ் 2 தேர்வுகள் மார்ச் 16ம் தேதி முதல் ஏப்ரல் 10ம் தேதி வரை நடத்த திட்டமிடப்பட்டது. தற்போது அந்த தேர்வுகளும் ரத்து செய்யப்பட்டுள்ளன.

இதுதொடர்பாக சிபிஎஸ்இ சார்பில் இன்று வெளியிடப்பட்டுள்ள அறிவிப்பில் கூறப்பட்டுள்ளதாவது: ''மத்திய கிழக்கு நாடுகளான பஹ்ரைன், ஈரான், குவைத், ஓமன், கத்தார், சவுதி அரேபியா உள்ளிட்ட நாடுகளி்ல் சிபிஎஸ் சார்பில் 12ம் வகுப்பு மாணவ-மாணவிகளுக்கான பொதுத்தேர்வு மார்ச் 16ம் தேதி முதல் ஏப்ரல் 10ம் தேதி வரை தேர்வுகள் நடத்த முடிவு செய்யப்பட்டது. இந்த தேர்வுகள் தற்போது ரத்து செய்யப்பட்டுள்ளது.

Important Update on CBSE Class XII Exams in Middle East Countries

CBSE has issued Circular -6 regarding cancellation of Board Exams of Class XII in Middle East countries

See attachment for further details pic.twitter.com/FfZc5vKMHT

— CBSE HQ (@cbseindia29) March 15, 2026

பாதிக்கப்பட்ட பிராந்தியங்களில் உள்ள பள்ளிகள் மற்றும் அதிகாரிகளிடமிருந்து பெறப்பட்ட கருத்துக்கள் மற்றுமு் தேர்வுகளை நடத்துவதற்கான சாத்தியக்கூறுகளை ஆய்வு செய்து இந்த முடிவு எடுக்கப்பட்டுள்ளது. அதேபோல் முன்னதாக ஒத்திவைக்கப்பட்ட தேர்வுகளும் ரத்து செய்யப்பட்டுள்ளது'' என கூறப்பட்டுள்ளது.

இதனால் பஹ்ரைன், குவைத், ஓமன், சவுதி அரேபியா, கத்தார், ஐக்கிய அரபு அமீரகம், ஈரான் உள்ளிட்ட நாடுகளில் சிபிஎஸ்இ மாணவ-மாணவிகள் தொடர்ந்து பள்ளி நிர்வாகத்துடன் தொடர்பில் இருப்பது நல்லது. மேலும் புதிய அப்டேட்டுகளை சிபிஎஸ்இ-யின் அதிகாரப்பூர்வ வலைதள பக்கங்கள் வழியாக மாணவ-மாணவிகள் தெரிந்து கொள்ளலாம்.

English summary

CBSE Exam: CBSE announced that ‘‘All examinations of Class XII scheduled from 16.03.2026 to 10.04.2026 stand cancelled in case of the students from Bahrain, Iran, Kuwait, Oman, Qatar, Saudi Arabia and the UAE’’.