கொரோனாவை ஒழித்து கட்டிய.. டெல்லியில் குளு, குளு வானிலை.. 17.6 டிகிரி செல்சியஸ் வெப்பநிலையே பதிவு!

By Rayar A

Updated: Wednesday, June 2, 2021, 20:22 [IST]

Subscribe to Oneindia Tamil

டெல்லி: தலைநகர் டெல்லியில் செவ்வாய்க்கிழமை குறைந்தபட்சமாக 17.6 டிகிரி செல்சியஸ் வெப்ப நிலையே பதிவாகியுள்ளது.

இந்திய தலைநகர் டெல்லியில் கடந்த சில நாட்களாக வெப்ப நிலை மிகவும் குறைவாக இருந்து வருகிறது.

டெல்லியில் குறைவான வெப்பநிலை

நேற்று காலை குறைந்தபட்சமாக 17.6 டிகிரி செல்சியஸ் வெப்ப நிலையே பதிவாகியுள்ளது. இது ஜூன் மாதத்தில் இதுவரை பதிவான மிகக் குறைந்த வெப்பநிலை என்று இந்திய வானிலை ஆய்வு மையம் தெரிவித்துள்ளது. 2006-ம் ஆண்டு அன்று ஜூன் 17-ம் தேதி குறைந்தபட்சமாக 18 டிகிரி செல்சியஸ் வெப்பநிலையை டெல்லி பதிவு செய்து இருந்தது.

மே மாதம் வெயில்

டெல்லியில் மே மாதம் சராசரி அதிகபட்ச வெப்பநிலை 37.5 டிகிரி செல்சியஸ் ஆக இருந்தது. அதன்பிறகு வெப்பநிலை படிப்படியாக குறைந்தது. பொதுவாக ஜூன் மாதங்களில் டெல்லியில் குறைந்தபட்ச வெப்ப நிலையே பதிவாகி வருவதாக வானிலை ஆய்வு மையத்தின் அதிகாரி ஒருவர் தெரிவித்தார்.

டவ் தே புயல்தான் காரணம்

செவ்வாய்க்கிழமை காலை 8.30 மணிக்கு முடிவடைந்த 24 மணி நேர காலப்பகுதியில் டெல்லி நகர பகுதியில் 15.6 மி.மீ மழை பெய்தது. புதன்கிழமை மிகவும் லேசான மழை மற்றும் இடியுடன் கூடிய மேகமூட்டமான வானமாக இருக்கும் என்று வானிலை மைய அலுவலகம் கணித்துள்ளது. சமீபத்தில் குஜராத்தில் கரையை கடந்த டவ் தே புயல் டெல்லிக்கு மழையை கொண்டு வந்து குளு, குளு காலநிலை நிலவ வழிவகை செய்தது என்று வானிலை மைய அதிகாரிகள் கூறுகின்றனர்.

கொரோனாவை வென்ற டெல்லி

கொரோனா தொற்றின் இரண்டாவது அலையால் தலைநகர் டெல்லி படாதபாடு பட்டது. உயிரிழப்பு அதிகரிப்பு, ஆக்சிஜன் தட்டுப்பாடு என்று டெல்லியே நிலைகுலைந்து போனது. அதன்பிறகு முழு ஊரடங்கு உள்ளிட்ட நடவடிக்கையால் தொற்று கட்டுக்குள் கொண்டு வரப்பட்டது. தற்போது டெல்லி கொரோனாவில் இருந்து முழுமையாக மீண்டு விட்டது. தற்போது குளுமையான காலநிலை நிலவும் டெல்லியில் தளர்வுகளுடன் கூடிய முழு ஊரடங்கு போடப்பட்டுள்ளது என்பது குறிப்பிடத்தக்கது.