வடமாநிலங்களை உறைய வைத்த குளிர்.. டெல்லியில் புதிய ரெக்கார்ட்.. என்ன இவ்வளவு குளிரா!?

Updated: Sunday, December 19, 2021, 19:05 [IST]

Subscribe to Oneindia Tamil

டெல்லி: டெல்லி உள்ளிட்ட வட மாநிலங்களில் கடும் குளிர் வாட்டி வரும் நிலையில் டெல்லியில் இந்த பருவ காலத்திலேயே மிகக் குறைந்த அளவாக 4.6 டிகிரி செல்சியஸ் வெப்பநிலை பதிவாகி உள்ளதாக வானிலை ஆய்வு மையம் தெரிவித்துள்ளது.

வடக்கு பாகிஸ்தான் அருகே மேலடுக்கு சுழற்சி நிலவி வரும் நிலையில் மேற்கத்திய காற்றும் சேர்ந்து பேசுவதால் இந்தியாவின் வடமாநிலங்களில் குறிப்பாக இமாச்சலப் பிரதேசம் டெல்லி காஷ்மீர் உள்ளிட்ட பகுதிகளில் குளிர்ந்த காற்று வீசுகிறது.

இதனால் பல இடங்களில் பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது. மக்கள் நடமாட்டம் இல்லாத நிலையில் பகலிலேயே விளக்கை எரியவிட்டு வாகனங்களில் பயணம் செய்யும் நிலை ஏற்பட்டுள்ளது.

குறைந்தபட்ச வெப்பநிலை

இந்நிலையில் ஞாயிற்றுக்கிழமை டெல்லியில் இந்த பருவ காலத்தில் மிகக் குளிரான காலையாக இருந்தது. நகரில் குறைந்தபட்ச வெப்ப நிலையாக 4.6 டிகிரி செல்சியஸ் வெப்பநிலை பதிவாகியுள்ளதாகவும், அதிகபட்ச வெப்பநிலை 15 டிகிரி செல்சியசாக இருக்கும் என இந்திய வானிலை ஆய்வு மையம் தெரிவித்துள்ளது.

ஐஎம்டி அறிவிப்பு

இதேபோல இமாச்சல பிரதேசம், ஹரியாணா, சண்டீகர் மற்றும் டெல்லியில் பல இடங்களில் குறைந்த வெப்பநிலை இயல்பைவிட குறைவாக இருந்தது என்றும் , பின்னர் தலைநகரில் வானம் தெளிவாக இருக்கும் என்றும் இன்று காலை ஐஎம்டி தெரிவித்திருந்தது. டெல்லியில் குறைந்தபட்ச வெப்பநிலை 6 டிகிரி செல்சியஸ் ஆக பதிவான போதே இந்தக் குளிர் காலத்தின் முதல் அதிக குளிரான நாளை சனிக்கிழமை இருந்தது

மோசமான காற்றின் தரம்

இன்று குறைந்தபட்ச வெப்பநிலை 10 டிகிரி செல்சியசுக்கு குறைவாகவோ அல்லது அதற்கு சமமாக இருக்கும் என எதிர்பார்க்கப்பட்ட நிலையில் அதிகபட்ச வெப்பநிலை இயல்பைவிட குறைந்தது. 4.5 டிகிரி செல்சியஸ் பதிவான நிலையில் தில்லியில் ஞாயிற்றுக்கிழமை காற்றின் தரம் மிகவும் மோசமாக இருந்தது காலை 9 மணியளவில் டெல்லியில் காற்றின் தரக் குறியீடு 274 ஆக இருந்தது குறிப்பிடத்தக்கது.

காஷ்மீரிலும் கடும் குளிர்

வடமேற்கு இந்தியாவில் அடுத்த 3 நாட்களுக்கு குளிர் அலை மற்றும் கடுமையான குளிர் அலை நிலைகள் இருக்கும் என்றும், அதைத் தொடர்ந்து கால நிலையில் முன்னேற்றம் ஏற்படும் என வானிலை ஆய்வு மையம் நேற்று அறிவித்திருந்த இலையில் ஸ்ரீநகரில் மைனஸ் 6 டிகிரி செல்சியஸ் வெப்பநிலை பதிவானது . மேலும் காஷ்மீரின் பெரும்பாலான இடங்களில் நேற்று இரவு பூஜிஜ்ஜியத்துக்கும் குறைவான வெப்பநிலையே பதிவாகியுள்ளது.