தெலுங்கானா- விமானப் படை பயிற்சி விமானம் விபத்தில் சிக்கி 2 விமானிகள் பலி- ராஜ்நாத் சிங் இரங்கல்!

ஹைதராபாத்: தெலுங்கானாவில் இந்திய விமானப் படை விமானம் பயிற்சியின் போது விபத்துக்குள்ளானதில் சம்பவ இடத்திலேயே 2 விமானிகள் உயிரிழந்த சம்பவம் அதிர்ச்சியை ஏற்படுத்தி உள்ளது. மத்திய பாதுகாப்புத் துறை அமைச்சர் ராஜ்நாத் சிங் இந்த துயர சம்பவத்துக்கு ஆழ்ந்த இரங்கல் தெரிவித்துள்ளார்.

தெலுங்கானா மாநிலம் துண்டிக்கல்லில் (Dundigal) இந்திய விமான படை பயிற்சி அகாடமி செயல்பட்டு வருகிறது.

இந்த மையத்தில் இருந்து வழக்கமான பயிற்சிக்காக Pilatus PC 7 Mk Il என்ற பயிற்சி விமானத்தில் ஹைதராபாத் அருகே விமானிகள் பயிற்சி மேற்கொண்டிருந்தனர். அப்போது எதிர்பாரதவிமான விமானம் வனப்பகுதிக்குள் விழுந்து நொறுங்கி விபத்துக்குள்ளானது. இந்த விபத்தில் 2 விமானிகள் உயிரிழந்துள்ளனர். இந்த விபத்தால் பொதுமக்களுக்கு எந்த பாதிப்பும் ஏற்படவில்லை என விமானப் படை தெரிவித்துள்ளது.

தெலுங்கானா விமானப் படை பயிற்சி விமானம் விபத்துக்குள்ளாகி 2 விமானிகள் உயிரிழந்த சம்பவத்துக்கு மத்திய பாதுகாப்புத்துறை அமைச்சர் ராஜ்நாத் சிங் ஆழ்ந்த இரங்கல் தெரிவித்துள்ளார். இந்த விபத்து தொடர்பான விசாரணை நடைபெற்று வருகிறது.

English summary

Two Indian Air Force pilots were killed in Telangana today.