ஆமீர்கானின் சகிப்புத்தன்மை பேச்சை எதிர்த்து 1 லட்சம் ஸ்நாப்டீல் அப்ளிகேஷன்கள் டெலிட்

பெங்களூர்: சகிப்புத்தன்மை பற்றி பேசிய ஆமீர்கான் மீதான கோபத்தை, அவர் விளம்பர தூதராக இருக்கும் ஸ்நாப் டீல் நிறுவனம் மீது காண்பித்துள்ளனர், பல நெட்டிசன்கள். இதன் வெளிப்பாடாக செல்போனில் தாங்கள், பதிவிறக்கம் செய்து வைத்திருந்த ஸ்நாப்டீல் நிறுவன அப்ளிகேஷனை சுமார் ஒரு லட்சம் பேர் டெலிட் செய்துள்ளனர்.

இந்தியாவில் நடைபெறும் சகிப்புத்தன்மையற்ற செயல்களை பார்த்து, எனது மனைவி, நாட்டை விட்டு போய்விட நினைத்தார் என்று ஹிந்தி நடிகர் ஆமீர்கான் இரு நாட்கள் முன்பு தெரிவித்திருந்தார். இந்த கருத்து இந்தியாவை அவமானப்படுத்துவதாக இருப்பதாக சமூக தளங்களில் கண்டன குரல்கள் ஒலிக்க தொடங்கியுள்ளன.

இந்நிலையில், ஆமீர்கானுக்கு பதிலடி கொடுப்பதற்காக, அவர் விளம்பர தூதராக நடித்துள்ள ஸ்நாப்டீல் நிறுவனத்தின் அப்ளிகேஷன்களை செல்போன்களில் இருந்து டெலிட் செய்துள்ளனர் பல நெட்டிசன்கள். சுமார் 48 மணி நேரத்தில், 1 லட்சம் அப்ளிகேஷன்கள் மாயமானதாக ஸ்நாப்டீல் வட்டாரங்கள் கூறுகின்றன.

மேலும், பலர் ஸ்நாப்டீலுக்கு அளித்திருந்த ரேட்டிங்கை, குறைத்து பதிவிட்டுள்ளனர். 5 ஸ்டார் கொடுத்தவர்கள்கூட, இப்போது ஒரு ஸ்டார்தான் கொடுத்துள்ளனர். இந்த அதிரடியால் ஸ்டாப்டீலுக்கு பெரும் இழப்பு உருவாகும் என கணக்கிடப்பட்டுள்ளது. இதை எதிர்கொள்வது எப்படி என ஸ்நாப்டீல் ஆலோசித்து வருகிறது.

English summary

Some people have decided that rather than trying to malign Aamir, they would try and hurt brand Aamir Khan.