என்னது, 2000 ரூபாய் நோட்டை தண்ணீரில் போட்டால் சாயம் போகிறதா? - வீடியோவை பார்த்துட்டு சொல்லுங்க

புதிய 2000 ரூபாய் நோட்டு, சாயம் போகிறதா இல்லையா என்பது குறித்து பொதுமக்களில் ஒருவர் நடத்திய சோதனை வீடியோ இப்போது வைரலாகியுள்ளது.

மும்பை: பிரதமர் நரேந்திர மோடி கடந்த செவ்வாய்க்கிழமை இரவு கருப்பு பணத்தை ஒழிக்கும் நடவடிக்கையாக ரூ.500, ரூ.1,000 நோட்டுகள் செல்லாது என அறிவித்தார். மேலும் புதிய 2 ஆயிரம் ரூபாய் நோட்டுகள் வெளியிடப்படும் என கூறினார். இதையடுத்து புதிய ரூ.2000 நோட்டுக்கள் சப்ளையாகியுள்ளன.

புதிய ரூ.2 ஆயிரம் நோட்டுகள் பல சிறப்பு அம்சங்களுடன் அச்சிடப்பட்டுள்ளதாக மத்திய அரசு தெரிவித்தது. இந்தநிலையில் நேற்று பிரபல தனியார் மராத்தி டி.வி. செய்தி சேனல் ஒன்றில் புதிய 2 ஆயிரம் நோட்டில் சாயம் போவதாக செய்தி ஒளிபரப்பப்பட்டது. அந்த செய்தியில், ஒருவர் ஈரமான வெள்ளை துணியை வைத்து புதிய 2 ஆயிரம் ரூபாய் நோட்டில் தேய்க்கிறார். அப்போது, அந்த நோட்டில் உள்ள இளம் சிவப்பு கலர் துணியில் படிகிறது. தனியார் டி.வி. சேனலில் வெளியான இந்த செய்தியால் மக்களிடையே பெரும் பரபரப்பு ஏற்பட்டது.

இதேபோன்ற ஒரு சோதனையை மற்றொருவர் தண்ணீர் டம்ளருக்குள் போட்டு செய்கிறார். அந்த வீடியோவை இதில் பாருங்கள். சாயம் போகிறதா என்பதை நீங்களே சொல்லுங்கள்.

English summary

In a viral video, someone conducted a water test on the new 2000 currency note. We will inform our viewers that putting currency note is illegal according to the RBI and advice our viewers not to try this at home.