அஸாமில் பாஜக கூட்டணி ஆட்சியை பிடிக்கும்.. இந்தியா டுடே, ஐபிஎன் டிவிகள் எக்ஸிட் போல்

டெல்லி: அஸ்ஸாமில் பாஜக-அஸாம் கண பரிஷத் கட்சி கூட்டணி ஆட்சியை பிடிக்கும் என்று இந்தியா டுடே எக்ஸிட் போலில் தெரியவந்துள்ளது.

அஸாமில் மொத்தமுள்ள 126 தொகுதிகளுக்கும் வாக்குப்பதிவு முடிவடைந்த நிலையில், வரும் 19ம் தேதி வாக்கு எண்ணிக்கை நடைபெற உள்ளது. இதையொட்டி, இந்தியா டுடே நடத்திய எக்ஸிட் போலில்,
பாஜக கூட்டணி 79 முதல் 93 இடங்களில் வென்று ஆட்சியமைக்கும் என்று தெரியவந்துள்ளது.

அதேநேரம், காங்கிரஸ் கூட்டணி 26 முதல் 33 தொகுதிகளில் மட்டுமே வெல்லும் என்றும், ஏஐடியூஎப் 6-10 தொகுதிகளில் வெல்லும் என்றும் அந்த கருத்து கணிப்பு தெரிவித்துள்ளது.

பாஜக 45%, காங்கிரஸ் 36% சதவீத வாக்குகளை பெறும் என்றும் இந்த கருத்து கணிப்பு கூறுகிறது.

சிஎன்என் ஐபிஎன் தொலைக்காட்சி எக்ஸிட் போல்:

அதே போல சிஎன்என் ஐபிஎன் தொலைக்காட்சி வெளியிட்டுள்ள எக்ஸிட் போல் கருத்துக் கணிப்பில் அஸ்ஸாமில் பாஜக-அஸாம் கண பரிஷத் கூட்டணி, 79 முதல் 83 இடங்களிலும், காங்கிரஸ் 26 முதல் 33 இடங்களிலும், அஜ்மலின் ஏஐடியூஎப் 6 முதல் 10 இடங்களிலும் மற்றவை 1 முதல் 4 இடங்களிலும் வெல்லும் என்று தெரிவிக்கப்பட்டுள்ளது.

டைம்ஸ் நவ் தொலைக்காட்சி எக்ஸிட் போல்: இந்த தொலைக்காட்சி கணிப்புபடி பாஜக கூட்டணி 57 தொகுதிகளிலும், காங்கிரஸ் கூட்டணி 41 தொகுதிகளிலும், ஏஐடியூஎப் 18 தொகுதிகளிலும், இதர கட்சிகள் 10 தொகுதிகளிலும் வெற்றி பெறும் என்று கூறப்பட்டுள்ளது.

English summary

BJP alliance will come to power in assam says India today exit poll.