பிரதமரும் உலகத் தலைவர்களுடனான 'கட்டிபிடி' வரவேற்பும்... காங்கிரஸ் கேலி வீடியோவால் சர்ச்சை!

பிரதமர் நரேந்திர மோடி உலகத் தலைவர்களை கட்டிப்பிடித்து வரவேற்பு அளிக்கும் வீடியோவை வெளியிட்டு காங்கிரஸ் கேலி செய்து வெளியிட்ட வீடியோ சர்ச்சையை ஏற்படுத்தியுள்ளது.

டெல்லி : பிரதமர் நரேந்திர மோடி உலகத் தலைவர்களை கட்டிப்பிடித்து வரவேற்பு அளிக்கும் புகைப்படங்களை வீடியோவாக வெளியிட்டு காங்கிரஸ் கட்சி கேலி செய்துள்ளது. காங்கிரஸ் கட்சியின் கேலி வீடியோவிற்கு பாஜக கடும் கண்டனம் தெரிவித்துள்ளது.

காங்கிரஸ் கட்சியின் அதிகாரப்பூர்வ டுவிட்டர் பக்கத்தில் நேற்று ஒரு வீடியோ வெளியிடப்பட்டிருந்தது. அந்த வீடியோவில் பிரதமர் நரேந்திர மோடி உலகத் தலைவர்களை சந்தித்த போது அவர்களை வரவேற்ற புகைப்படங்களை வைத்து அதற்கு தனித்தனி தலைப்பிட்டு, சினிமா படத்தில் ஹீரோ,ஹீரோயின்கள் கட்டிபிடிக்கும் கட்சிகளை ஒப்பிட்டு போட்டுள்ளது.

இஸ்ரேல் பிரதமர் நேத்தன்யாகூ இந்தியாவுக்கு வருகை தந்திருக்கும் சமயத்தில், பிரதமர் மோடியை கட்டியணைத்து வரவேற்றார். இதில் தொடங்கி அமெரிக்க அதிபர் டொனால்ட் டிரம்ப் மற்றும் பிரெஞ்சு ஜனாதிபதி இமானுவேல் மேக்ரோன் போன்ற உலக தலைவர்களை அணைத்துக்கொள்வதும் காட்டபட்டு உள்ளது. டைட்டானிக் படத்தின் கப்பலில் செல்லும் காட்சி ஒன்றும் அதில் காட்டபட்டு உள்ளது.

Congress lacks concrete issues to discuss so they tweeted a disgusting video showing PM Modi when he was receiving Israeli PM. What they have tweeted shows their immaturity & lack of political sensibility- Shri @PrakashJavdekar pic.twitter.com/qS5qECSUYZ

— BJP (@BJP4India) January 14, 2018

பொறுப்பில்லாத காங்கிரஸ் கட்சி

காங்கிரஸ் கட்சியின் இந்த கேலி வீடியோவிற்கு பாஜக கடுமையான கண்டனத்தை தெரிவித்துள்ளது. பாஜகவின் சம்பிட் பத்ரா இது குறித்து தனது டுவிட்டர் பக்கத்தில் பதிவிட்டுள்ள கருத்தில் "இந்தியாவின் பிரதான எதிர்கட்சியான காங்கிரஸ் கட்சி இது போன்றதொரு பதிவை வெளியிட்டிருப்பதை நாங்கள் எதிர்பார்க்கவில்லை, அதிலும் இஸ்ரேல் பிரதமர் இந்தியா வந்திருக்கும் சமயத்தில் இப்படி ஒரு பதிவை காங்கிரஸ் வெளியிட்டிருப்பதாக தெரிவித்துள்ளார்.

Never expected India’s main opposition party to post such a tweet ..that too when a respected Foreign PM has just arrived !
Congress President only talks of winning by LOVE ..while this is what Indian PM is doing..winning the WORLD by LOVE!
While Modi WINS you Whine!! https://t.co/kDPNfPDu2J

— Sambit Patra (@sambitswaraj) January 14, 2018

காங்கிரஸ் கட்சியின் முதிர்ச்சியின்மை

காங்கிரஸ் கட்சி இன்னும் வளர்ந்து விட்ட அரசியல் கட்சியாக மாறவில்லை என்பதை இந்த மோசமான வீடியோ பதிவு சுட்டிக் காட்டுவதாக பாஜகவின் பிரகாண் ஜவடேகர் தெரிவித்துள்ளார். முக்கியமான பிரச்னைகளில் கவனம் செலுத்தாமல் அது பற்றி விவாதிக்காமல் இது போன்ற கேவலமான வீடியோவை காங்கிரஸ் வெளியிட்டிருப்பது அந்த கட்சி இன்னும் போதிய முதிர்ச்சியை பெறவில்லை என்பதை தெளிவாக காட்டுகிறது என்றும் பிரகாஷ் ஜவடேகர் கூறியுள்ளார்.

பிரதமரும் பெண் தலைவர்களும்

உலகத் தலைவர்களுடனான வரவற்பு மட்டுமின்றி பெண் தலைவர்கள் மோடியின் வரவேற்பை நிராகரித்ததும் அந்த வீடியோவில் இடம்பெற்றிருக்கிறது. ஜெர்மன் சேன்செல்லர் ஏஞ்செலா மார்க்கல் பிரதமர் மோடியுடனான சந்திப்பின் போது அவருக்கு கை கொடுக்காமல் சென்றது, ஜப்பானின் முதல் பெண்மணி ஏப் புகைப்படம் எடுக்க மோடியின் அருகில் நிற்காமல் சென்றது உள்ளிட்டவையும் இந்த வீடியோவில் இடம்பெற்றுள்ளது.

வியந்த நேத்தன்யாகூ

இந்தியா வந்துள்ள இஸ்ரேல் பிரதமர் நேத்தன்யாகூ பிரதமர் நரேந்திர மோடி விமான நிலையத்தில் அளித்த உற்சாக வரவேற்பு வியப்பை அளித்ததாக தனது டுவிட்டர் பக்கத்தில் கூறி இருந்தார். என்னுடைய நண்பர் பிரதமர் நரேந்திர மோடிக்கு நன்றி என்றும் நேத்தன்யாகூ தன்னுடைய டுவிட்டர் பக்கத்தில் கூறி இருந்தது குறிப்பிடத்தக்கது.

English summary

Congress released a video criticising PM Modi's hugplomacy, bjp displeased over the disgusting video and condemns congress is immature in politics.