பட்ஜெட் கூட்டத்தொடர் எப்போது ? இன்று கூடுகிறது மத்திய அமைச்சரவை
நாடாளுமன்ற விவகாரங்களுக்கான மத்திய அமைச்சரவை கூட்டம் இன்று கூடுகிறது.
டெல்லி: நாடாளுமன்ற பட்ஜெட் கூட்டத் தொடரை நடத்துவது குறித்து முடிவு செய்ய மத்திய அமைச்சரவைக் கூட்டம் இன்று நடைபெறும் என அறிவிக்கப்பட்டுள்ளது.
நாடாளுமன்ற பட்ஜெட் கூட்ட தொடரின் தேதியை இறுதி செய்வதற்காக மத்திய அமைச்சரவைக் கூட்டம் இன்று காலை 11 மணிக்கு நடைபெறும் என்று தெரிவிக்கப்பட்டுள்ளது, மேலும் இன்று நடைப்பெற இருக்கும் அமைச்சரவை கூட்டத்தில் பட்ஜெட் கூட்டத்தொடரை முன்கூட்டியே நடத்துவது குறித்து ஆலோசிக்க உள்ளதாகவும் தகவல்கள் வெளியாகியுள்ளது.
கடந்த நாடாளுமன்ற குளிர்காலக் கூட்டத்தொடரில் ரூபாய் நோட்டு வாபஸ் தொடர்பாக எதிர்க்கட்சிகள் விடுத்த கோரிக்கையை மத்திய அரசு ஏற்றுக்கொள்ளாததால், அந்தக் கூட்டத்தொடர் முழுவதும் ஒத்திவைக்கப்பட்டது. இந்நிலையில் பட்ஜெட் கூட்டத்தொடரிலும் ரூபாய் நோட்டு விவகாரம் பிரச்சனையை எழுப்ப எதிர்கட்சிகள் முனைப்பு காட்டும் என்று அரசியல் விமர்சகர்கள் கருத்து தெரிவித்துள்ளனர். இதனால் மத்திய அரசுக்கு புதிய சிக்கல் உண்டாகலாம் எனவும் கூறப்படுகிறது.
Click it and Unblock the Notifications
Sign in with Google