எங்கே எங்கே... அச்சே தின் எங்கே.... தேடுகிறார் பால் போக்பா!

பிரதமர் மோடி கூறிய அச்சே தின் என்கிற நல்ல காலம் எங்கே என்று பிரான்ஸ் கால்பந்து வீரர் பால் போக்பா தேடுவது போன்ற வீடியோவை வெளியிட்டுள்ளது காங்கிரஸ்.

டெல்லி: பிரதமர் நரேந்திர மோடியின், அச்சே தின்' என்கிற நல்ல காலம் எப்போது வரும் என, பிரான்ஸ் கால்பந்து வீரர் பால் போக்பா தேடுவது போன்ற ஒரு வீடியோவை வெளியிட்டு கிண்டல் செய்துள்ளது காங்கிரஸ் கட்சி.

2014 நாடாளுமன்றத் தேர்தலின்போது, அச்சே தின் எனப்படும் நல்ல காலம் விரைவில் வரும். கறுப்பு பணத்தை மீட்டு, மக்களின் வங்கிக் கணக்கில் செலுத்தப்படும் என நரேந்திர மோடி வாக்குறுதி அளித்தார்.

ஆனால், அவை நிறைவேற்றப்படவில்லை. இதை காங்கிரஸ் உள்ளிட்ட எதிர்க்கட்சிகள் கடுமையாக கிண்டல், விமர்சனம் செய்து வருகின்றன.

இந்த நிலையில், ரஷ்யாவில் நடந்த ஃபிபா உலகக் கோப்பை போட்டியின் பைனலில் வென்ற பிறகு, பிரான்ஸ் வீரர் பால் போக்பா, ஜாலியாக, தலையை இங்கும் அங்கும் திருப்பி கோப்பை எங்கே என்று தேடுவது போல் செய்வார்.

Pogba and us, same feels. @paulpogba pic.twitter.com/rIOqjY6bqT

— Congress (@INCIndia) July 17, 2018

யாராவது அச்சே என்று சொன்னால் என்று அதற்கு தலைப்பிட்டு, அந்த வீடியோவை காங்கிரஸ் கட்சி டுவிட்டரில் வெளியிட்டுள்ளது. இதில், பால் போக்பாவையும் காங்கிரஸ் கட்சி டேக் செய்துள்ளது.

போக்பாவுக்கு இந்திய அரசியல் தெரியுமா என்பது தெரியவில்லை. ஆனால், காங்கிரஸ் கட்சியின் இந்த கிண்டல் வீடியோ வைரலாகி வருகிறது.

English summary

Congress uses paul pogba video to ridicule modi.