For Quick Alerts
ALLOW NOTIFICATIONS  
For Daily Alerts
Just In
Oneindia App Download

குஜராத்தில் பாஜகவின் அசுரத்தனமான வெற்றி.. ஆஹோ ஓஹோ என புகழும் சர்வதேச ஊடகங்கள்

Google Oneindia Tamil News

காந்திநகர்: குஜராத்தில் பாஜக 156 இடங்களில் வெற்றி பெற்று தொடர்ந்து 7-வது முறையாக ஆட்சியை தக்க வைத்துள்ளது. நாடாளுமன்ற தேர்தலுக்கு இன்னும் சுமார் 15 மாதங்களே உள்ள நிலையில், பாஜகவின் இந்த பிரம்மாண்டமான வெற்றி சர்வதேச அளவிலும் கவனம் பெற்றுள்ளது.

குஜராத் சட்டமன்றத்திற்கு கடந்த 1 மற்றும் 5 ஆம் தேதிகளில் இரு கட்டங்களாக தேர்தல் நடைபெற்றது.

பிரதமர் மோடியின் சொந்த மாநிலம் என்பதால் இந்த தேர்தல் முடிவுகள் நாடு முழுவதும் எதிர்பார்க்கப்பட்டது.

கைக்கு கிடைத்த ஆட்சியை பறிகொடுக்கப்போகிறதா காங்கிரஸ்? இமாச்சல் பிரதேசத்தில் கோஷ்டி பூசல்..பாஜக குஷி கைக்கு கிடைத்த ஆட்சியை பறிகொடுக்கப்போகிறதா காங்கிரஸ்? இமாச்சல் பிரதேசத்தில் கோஷ்டி பூசல்..பாஜக குஷி

156 இடங்களில் வென்று வரலாற்று சாதனை

156 இடங்களில் வென்று வரலாற்று சாதனை

தொடர்ந்து 6 முறை ஆட்சியில் இருக்கும் பாஜக இந்த முறையும் வென்று 7-வது முறையாக ஆட்சி அமைக்கும் என்று தேர்தலுக்கு பிந்தைய கருத்துக்கணிப்புகள் கூறின. இது அப்படியே மக்கள் மனதை பிரதிபலித்துள்ளது. எதிர்பார்க்கப்பட்டதை விட அசுரத்தனமான பெரும் வெற்றியை பாஜக பதிவு செய்தது. கடந்த 2017- ஆம் ஆண்டு சட்டமன்ற தேர்தலின் போது 99 தொகுதிகளில் வென்றிருந்த பாஜக இந்த முறை 156 இடங்களில் வென்று வரலாற்று சாதனை படைத்தது.

பூபேந்திர படேல் தலைமையில்

பூபேந்திர படேல் தலைமையில்

கடந்த 2002 ஆம் ஆண்டு தேர்தலின் போது நரேந்திர மோடி தலைமையில் தேர்தலை எதிர்கொண்ட போது 127 இடங்களில் பாஜக வென்று இருந்தது. இதுவே பாஜகவின் சிறந்த வெற்றியாக இருந்த நிலையில், தற்போது புதிய சாதனையை பாஜக பூபேந்திர படேல் தலைமையில் நிகழ்த்தியுள்ளது. பாஜக கட்சி ஆரம்பித்த பிறகு அக்கட்சி குஜராத்தில் இப்படி ஒரு இமாலய வெற்றியை பதிவு செய்தது நாடு முழுவதும் உற்று கவனிக்க வைத்தது.

 17 இடங்களில் மட்டுமே காங்கிரஸ்

17 இடங்களில் மட்டுமே காங்கிரஸ்

அடுத்த நாடாளுமன்ற தேர்தலுக்கு இன்னும் சுமார் 15 மாதங்களே உள்ளதால், பாஜகவின் இந்த பெரும் வெற்றி பாஜகவிற்கு உற்சாகத்தை கொடுத்துள்ளது. 1995, 1998, 2002, 2007, 2012, 2017,2022 என தொடர்ந்து வெற்றி பெற்றுள்ளது. பாஜகவை எதிர்த்து போட்டியிட்ட காங்கிரஸ் கட்சி படு தோல்வியை சந்தித்தது. வெறும் 17 இடங்களில் மட்டுமே காங்கிரஸ் வென்றது. அதேபோல், பெரிதும் எதிர்பார்க்கப்பட்ட ஆம் ஆத்மி கட்சியும் குறிப்பிடத்தக்க தாக்கத்தை ஏற்படுத்தவில்லை.

சர்வதேச ஊடகங்களிலும் கவனம்

சர்வதேச ஊடகங்களிலும் கவனம்

நாடாளுமன்ற தேர்தல் வெற்றிக்கும் அடுத்த ஆண்டு நடைபெற உள்ள கர்நாடக சட்டமன்ற தேர்தலிலும் பாஜகவிற்கு இந்த வெற்றி முக்கியமானதாக பார்க்கப்பட்டது. அந்த வகையில், பாஜகவே எதிர்பார்த்திராத ஒரு வெற்றியை அக்கட்சி பெற்றுள்ளது. பாஜக குஜராத்தில் பெற்ற வெற்றி இந்திய ஊடகங்களில் மட்டும் இல்லை. சர்வதேச ஊடகங்களிலும் கவனம் பெற்றுள்ளது. பிரிட்டன் பத்திரிகையான தி கார்டியன் குஜாரத்தில் பாஜக பெற்ற வெற்றியை சுட்டிகாட்டி வரும் 2024 ஆம் ஆண்டு தேர்தலுக்கு என்ற வகையில் செய்தி வெளியிட்டுள்ளது .

தோல்வியே சந்திக்காமல் தொடர் வெற்றி

தோல்வியே சந்திக்காமல் தொடர் வெற்றி

1995- ஆம் ஆண்டு முதல் குஜராத்தில் பாஜக தோல்வியே சந்திக்காமல் தொடர் வெற்றிகளை பெற்று வருவது பற்றி ஜப்பானின் நிக்கோய் ஏசியா செய்தி வெளியிட்டுள்ளது. அதேபோல இண்டிபெண்டண்ட் ஏபிசி நியூஸ் பாஜக தொண்டர்களின் வெற்றி கொண்டாட்டங்கள் குறித்த செய்திகளை பகிர்ந்துள்ளது. சிங்கப்பூரின் ஸ்ட்ரெய்ட் டைம்ஸ் நாளிதழ், அல் ஜசீரா, ஏபிசி உள்ளிட்ட சர்வதேச ஊடகங்களும் குஜராத்தில் பாஜக பெற்ற வெற்றியையும் அக்கட்சி தொண்டர்கள் ஆரவராமகாக கொண்டாடும் புகைப்படங்களையும் பதிவிட்டு வருகின்றன.

English summary
BJP has won 156 seats in Gujarat and retained power for the 7th time in a row. With about 15 months left for the parliamentary elections, the BJP's landslide victory has attracted international attention.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X