"நன்றி சொல்ல உங்களுக்கு வார்த்தை இல்லை எனக்கு...." சிசுவேஷன் சாங்கை டுவீட்டிய ஹர்பஜன் சிங்

தமிழில் டுவீட்டுகளை போட்டு வரும் ஹர்பஜன் சிங் தற்போது தமிழ் பாட்டை சிசுவேஷனுக்கு ஏற்ப நன்றி கூறியுள்ளார்.

By Lakshmi Priya

Updated: Wednesday, July 4, 2018, 16:56 [IST]

Subscribe to Oneindia Tamil

மும்பை: தமிழில் டுவீட்டுகளை போட்டு ரசிகர்களிடையே வரவேற்பு பெற்ற ஹர்பஜன் சிங் தனது பிறந்தநாளுக்கு தமிழில் வாழ்த்து கூறிய சச்சினுக்கு சிசுவேஷன் சாங்கை டுவீட் செய்துள்ளார்.

இந்திய கிரிக்கெட் வீரர் ஹர்பஜன் சிங்கிறகு ஏராளமான ரசிகர்கள் உண்டு. அதிலும் தமிழ் ரசிகர் சரவணன் என்பவர் டுவீட்டுக்கு பஜ்ஜி பதிலளிப்பது வழக்கம். கடந்த பொங்கல் முதல் தமிழில் வாழ்த்துகளை கூறி ரசிகர்களுக்கு ஆச்சரியத்தை அளித்தார் பஜ்ஜி.

அதுபோல் தீபாவளிக்கு பண்டிகைக்கும் அவர் தமிழில் வாழ்த்துகளை டைப் செய்துள்ளார். இந்நிலையில் அஜித்தை புகழும் வகையில் டுவீட்டுகளை அனுப்பியுள்ளார். ஹர்பஜனின் பிறந்தநாள் நேற்று கொண்டாடப்பட்டது.

விஷ் யு எ வெரி ஹாப்பி பர்த்டே, @harbhajan_singh! ஹவ் எ ப்ளாஸ்ட்😋 pic.twitter.com/UYOiCQF4mO
— Sachin Tendulkar (@sachin_rt) July 3, 2018

சச்சின் டுவீட்

எப்போதும் தமிழில் டைப் செய்து ஆச்சரியப்படுத்தும் ஹர்பஜன் சிங்கிற்கு சச்சின் டெண்டுல்கர் தமிழில் டைப் செய்து டுவீட் அனுப்பியிருந்தது மகிழ்ச்சியை தருகிறது. அதுமட்டுமா சச்சினையும் தமிழ் கற்க வைத்த பஜ்ஜி என்று பாராட்டுகளும் குவிகின்றன.

@sachin_rt நன்றி சொல்ல உங்களுக்கு!! வார்த்தை இல்லை எனக்கு நான் தான் மயங்குறேன் தமிழில் வாழ்த்தியமைக்கு நன்றி அண்ணா https://t.co/qbey6mgJIr
— Harbhajan Turbanator (@harbhajan_singh) July 3, 2018

பாட்டு மூலம் ரிப்ளை

இந்நிலையில் சச்சினின் டுவீட்டுக்கு ஹர்பஜன் சிங் பதில் டுவீட் அனுப்பியுள்ளார். அதில் @sachin_rt நன்றி சொல்ல உங்களுக்கு!! வார்த்தை இல்லை எனக்கு நான் தான் மயங்குறேன் தமிழில் வாழ்த்தியமைக்கு நன்றி அண்ணா என்று தெரிவித்துள்ளார். இதை பலரும் பாராட்டியுள்ளனர். பார்த்திபன்- தேவயானி படத்தில் வரும் பாடலை சிசுவேஷனுக்கு ஏற்றாற் போல் டுவீட் போடும் அளவுக்கு புலவராகிவிட்டார் பஜ்ஜி.

நீங்க தமிழ் பேசி ட்விட்டர் ல வாழலாம்..
ஆனா ட்விட்டர் டர ஆளலாம் நினைக்க கூடாது..
சொல்லிப்புட்டேன் ஆமா..
😜😂😂
— தலைவர் ரஜினி (@OreTHALAIVAN) July 3, 2018