தண்ணீர் குடிக்கையில் பாத்திரத்தில் சிக்கிய சிறுத்தையின் தலை: வீடியோவை பாருங்களேன்

ஜெய்பூர்: ராஜஸ்தானில் சிறுத்தை ஒன்று தண்ணீர் குடிக்க முயன்றபோது அதன் தலை பாத்திரத்தில் மாட்டிக் கொண்ட பரிதாபம் நடந்துள்ளது.

ராஜஸ்தான் மாநிலத்தில் உள்ள ராஜ்சமந் நகருக்குள் சிறுத்தை ஒன்று புகுந்துள்ளது. தாகத்தில் இருந்த அந்த சிறுத்தை தண்ணீரை தேடி அங்கும் இங்குமாக அலைந்துள்ளது. அப்போது திறந்தவெளியில் பாத்திரத்தில் தண்ணீர் இருப்பதை பார்த்துள்ளது.

இதையடுத்து அந்த சிறுத்தை அந்த பாத்திரத்தில் தலையை விட்டு தண்ணீர் குடிக்க முயன்றுள்ளது. அப்போது அதன் தலை பாத்திரத்தில் சிக்கிக் கொண்டது. அது தலையை அப்படியும் இப்படியும் அசைத்தும் பலனில்லை.

இதை பார்த்த மக்கள் சிறுத்தைக்கு உதவ மனமிருந்தும் பயத்தில் ஒன்றும் செய்யாமல் அதை வேடிக்கை பார்த்தனர். இந்த சம்பத்தை ஒருவர் தனது செல்போனில் வீடியோ எடுத்து வெளியிட்டுள்ளார்.

இந்த சம்பவம் குறித்து வனத்துறையினருக்கு தகவல் தெரிவிக்கப்பட்டது. தகவல் கிடைத்ததும் அவர்கள் வந்து சிறுத்தையின் தலையில் இருந்த பாத்திரத்தை எடுத்தனர்.

English summary

A leopard found itself in an awkward situation when its head got stuck inside an utensil. This happened when it tried to drink water from that utensil.