ரசிகர்களைத் திட்டிய மெகா ஸ்டார்...இணையத்தில் வைரலாகிறது வீடியோ

ஹைதராபாத்: தெலுங்கு நடிகரும் அரசியல்வாதியுமான நடிகர் சிரஞ்சீவி தனது ரசிகர் ஒருவரை முட்டாள் என்று திட்டிய வீடியோ ஒன்று தற்போது இணைய தளங்களில் வைரலாகிக் கொண்டிருக்கிறது.

இளம்நடிகர் ராம் சரண் நடிப்பில் உருவாகியிருக்கும் புரூஸ்லி படத்தின் ஆடியோ வெளியீட்டு விழாவில் ராம் சரணின் தந்தையும், நடிகருமான சிரஞ்சீவி கலந்து கொண்டார்.

விழா முடிந்து காரில் ஏறுவதற்காக சிரஞ்சீவி வந்தபோது அவரை அருகில் பார்க்கும் ஆர்வத்தில் ரசிகர் ஒருவர் நெருக்கமாக வந்துவிட, கோபத்தில் சிரஞ்சீவியின் முகம் சிவந்து விட்டது.

"ஒவ்வொருமுறையும் இப்படித் தான் செய்கிறீர்கள் எத்தனை முறை சொல்வது" என்று அந்த ரசிகரைப் பார்த்து கேட்ட சிரஞ்சீவி இறுதியாக முட்டாள் என்ற வார்த்தையை உதிர்த்து விட்டு காரில் ஏறி சென்றிருக்கிறார்.

இந்த வீடியோ தற்போது இணையத்தில் வைரலாகிக் கொண்டிருக்கிறது. போதாதற்கு சிரஞ்சீவி தெலுங்கில் திட்டியதை ஆங்கிலத்தில் மொழிபெயர்த்து இணையங்களில் பரப்பி வருகின்றனர்.

தனது 150 வது படத்தில் விரைவில் நடிக்கவிருக்கும் சிரஞ்சீவி, புரூஸ்லீ படத்தில் 15 நிமிடங்கள் சிறப்புத் தோற்றத்தில் நடித்துக் கொடுத்திருக்கிறாராம்.

English summary

A Video of Telugu Actor cum Politician Chiranjeevi getting angry at Fans now the Video has gone viral on the Internet.