மோடிக்கு ஹிஸ்டரி, ஜாக்ரஃபி டியூஷன் தேவை: அமைச்சர் ராஜிவ் சுக்லா

கான்பூர்: பாஜக பிரதமர் வேட்பாளர் நரேந்திர மோடிக்கு வரலாறு மற்றும் புவியியல் குறித்த டியூஷன் தேவை என்று மத்திய அமைச்சர் ராஜிவ் சுக்லா தெரிவித்துள்ளார்.

இது குறித்து நாடாளுமன்ற விவகாரத் துறை அமைச்சர் ராஜிவ் சுக்லா செய்தியாளர்களிடம் கூறுகையில்,

பாஜகவின் பிரதமர் வேட்பாளருக்கு வரலாறு மற்றும் புவியியல் பற்றி தெரியவில்லை. அதனால் அவர் மக்களுக்கு தவறான தகவல்களை அளிக்கிறார். அவருக்கு வரலாறு மற்றும் புவியியல் குறித்த டியூஷனுக்கு பாஜக ஏற்பாடு செய்ய வேண்டும்.

மோடி சோனியா, ராகுல் காந்தி உள்ளிட்ட காங்கிரஸ் தலைவர்களை தாக்கி பேசி வருகிறார். பாஜக மூத்த தலைவர்களான வாஜ்பாய் அல்லது அத்வானியின் உடல் நிலை குறித்து காங்கிரஸ் ஒருபோதும் கிண்டல் செய்தது இல்லை என்றார்.

English summary

Union minister for parliamentary affairs Rajiv Shukla told that BJP should arrange history and geography tuitions for its PM candiate Modi.