கேரளா, கர்நாடகாவில் இன்று கன மழைக்கு வாய்ப்பு- வானிலை ஆய்வு மையம்

பெங்களூர்: கர்நாடகா, கேரளா கடலோர பகுதிகளில் இன்று கன மழைக்கு வாய்ப்புள்ளது என்றும், தென் மேற்கு பருவமழை தீவிரத்தால் கன மழைக்கு வாய்ப்பு உள்ளது என்றும் இந்திய வானிலை ஆ்யவு மையம் தெரிவித்துள்ளது.

அசாம், மேகாலயா, உத்தரகாண்ட் மாநிலத்தின் சில பகுதிகளிலும் அடுத்த 24 மணி நேரத்தில் கன மழைக்கு வாய்ப்பு உள்ளது.

கடந்த ஆண்டை ஒப்பிட்டால் இவ்வாண்டு இந்தியாவில் பருவமழை சிறப்பாக இருக்கும் என்று இந்திய வானிலை ஆய்வு மையம் தெரிவித்துள்ளது. ஜூன் முதல் செப்டம்பர் வரையிலான காலகட்டத்தில் கடந்த ஆண்டை ஒப்பிட்டால் 96 முதல் 104 சதவீத மழை இருக்கும் என எதிர்பார்க்கப்படுகிறது.

தென் மேற்கு பருவமழை மே 29ம் தேதி கேரளாவில் கால் பதித்தது குறிப்பிடத்தககது.

கர்நாடகாவிலும், கேரளாவிலும் பெய்யும் கன மழை காரணமாக, பருவமழை தீவிரமடைந்துள்ள நிலையில், இந்த மழையால் காவிரி நீர் பிடிப்பு பகுதிகளில் அதிக மழை பெய்ய வாய்ப்பு ஏற்பட்டுள்ளது. இதனால் விவசாயிகள் மகிழ்ச்சியடைந்துள்ளனர்.

English summary

Indian Meteorological Department (IMD) report predicted that heavy to very heavy rain at isolated places very likely over Assam and Meghalaya, Uttarakhand and Coastal Karnataka on Saturday.