@PMOIndiaArchive கணக்கு @PMOIndia ட்விட்டர் கணக்குடன் சேர்ப்பு

டெல்லி: @PMOIndia என்ற பிரதமர் அலுவலகத்தின் அதிகாரப்பூர்வ ட்விட்டர் கணக்கு நரேந்திர மோடிக்கு அளிக்கப்பட்டது.

நரேந்திர மோடி அரசு பதவியேற்கும் முன்பு மன்மோகன் சிங் பிரதமராக இருக்கையில் பயன்படுத்திய ட்விட்டர் கணக்கான @PMOIndia-ல்இருந்த ட்வீட்கள் மற்றும் ஃபாலோயர்கள் @PMOIndiaArchive என்ற கணக்கிற்கு மாற்றப்பட்டது. இந்த செயலுக்கு பாஜக கடும் எதிர்ப்பு தெரிவித்தது.

பிரதமர் அலுவலக ட்விட்டர் கணக்கு நாட்டின் சொத்தே தவிர மன்மோகன் சிங்கின் தனிப்பட்ட சொத்து அல்ல என்று பாஜக விமர்சனம் செய்தது. இந்நிலையில் மோடி பிரதமராக பதவியேற்ற பிறகு @PMOIndiaArchive என்ற கணக்கில் இருந்த பழைய ட்வீட்களை நீக்கிவிட்டு ஃபாலோயர்ஸ்களை மற்றும் அப்படியே வைத்துக் கொண்டு கணக்கின் பெயர் @PMOIndia என்று மாற்றப்பட்டு அதில் மோடியின் புகைப்படம் வைக்கப்பட்டுவிட்டது.

இந்த புதிய கணக்கான @PMOIndia இல் இருந்து மோடி நேற்று முதல் ட்வீட் செய்யத் துவங்கிவிட்டார். இந்த கணக்கு தவிர மோடி தனியாக @narendramodi என்ற தனிப்பட்ட ட்விட்டர் கணக்கும் வைத்துள்ளார். தனிப்பட்ட கணக்கில் அவரை 44 லட்சம் பேர் பின்தொடர்கிறார்கள்.

இந்நிலையில் @PMOIndia கணக்கை 13 லட்சம் பேர் பின்தொடர்கிறார்கள் என்பது குறிப்பிடத்தக்கது.

English summary

Narendra Modi takes over @PMO India, the official Twitter handle of PM’s office. Tweets from the PMO of UPA 2 were deleted keeping the followers as such.