பெட்ரோல் விலை லிட்டருக்கு 1 ரூபாயும், டீசல் விலை லிட்டருக்கு 2 ரூபாயும் குறைப்பு

டெல்லி: பெட்ரோல் விலை லிட்டருக்கு 1 ரூபாயும், டீசல் விலை லிட்டருக்கு 2 ரூபாயும் குறைக்கப்பட்டுள்ளன. இந்த புதிய விலை மாற்றம் இன்று நள்ளிரவு முதல் அமலுக்கு வருகிறது.

சர்வதேச சந்தையில் கச்சா எண்ணெய் விலை நிலவரம் மற்றும் டாலருக்கு நிகரான ரூபாயின் மதிப்பு ஆகியவற்றை பொறுத்து இந்தியன் ஆயில் கார்ப்பரேஷன், பாரத் பெட்ரோலியம், இந்துஸ்தான் பெட்ரோலியம் கார்ப்பரேஷன் ஆகிய எண்ணெய் நிறுவனங்கள் பெட்ரோல் மற்றும் டீசல் விலையை 15 நாட்களுக்கு ஒருமுறை மாற்றி அமைத்து வருகின்றன.

ஒவ்வொரு மாதமும் 1-ம் தேதி மற்றும் 15 ஆம் தேதிகளில் இந்த விலை மாற்றம் செய்யப்படுகிறது. அந்த வகையில் இன்று பெட்ரோல், டீசல் விலையில் மாற்றம் செய்யப்பட்டுள்ளது.

அதன்படி பெட்ரோல் விலை லிட்டருக்கு 1 ரூபாயும், டீசல் விலை லிட்டருக்கு 2 ரூபாயும் குறைக்கப்பட்டுள்ளன. இந்த புதிய விலை மாற்றங்கள் இன்று நள்ளிரவு முதல் அமலுக்கு வருவதாக பொதுத்துறை எண்ணெய் நிறுவனங்கள் அறிவித்துள்ளன.

இந்த விலை உயர்வின் மூலம் டெல்லியில் இன்று நள்ளிரவு முதல் பெட்ரோல் லிட்டருக்கு ரூ.60.09-க்கும், டீசல் ரூ.50.27-க்கும் விற்பனை செய்யப்படும். அதேபோல் மும்பையில் ஒரு லிட்டர் பெட்ரோல் ரூ 65.04- க்கும், டீசல் விலை லிட்டருக்கு ரூ55.64-க்கும் விற்பனை செய்யப்படும். சென்னையை பொறுத்தவரை பெட்ரோல் லிட்டருக்கு ரூ.59.65-க்கும், டீசல் விலை லிட்டருக்கு ரூ.51.65-க்கும் விற்பனை செய்யப்படும்.

English summary

Petrol price 1 rs per litre reduction, while diesel rate reduction 2rs a litre in the rates effective from today midnight