உள்துறை அமைச்சராக ராஜ்நாத்சிங் பொறுப்பேற்பு

டெல்லி: பிரதமர் பதவிக்கு அடுத்தபடியான முக்கியத்துவம் பெற்ற உள்துறை அமைச்சக பொறுப்பை ராஜ்நாத்சிங் இன்று முறைப்படி ஏற்றுக்கொண்டார்.

மோடி தலைமையிலான அமைச்சரவை கடந்த திங்களன்று பதவியேற்றுக் கொண்டாலும், மறுநாள்தான் அமைச்சர்களுக்கான துறைகள் ஒதுக்கப்பட்டன. அன்று முதல் ஒவ்வொறு அமைச்சர்களாக தங்களது அமைச்சக பொறுப்புகளை ஏற்றுக் கொண்டனர். ஆனால் உள்துறை அமைச்சரான ராஜ்நாத்சிங் பொறுப்பை ஏற்காமல் இருந்தார்.

நான்கு நாட்கள் கழித்த நிலையில், இன்று அவர் தனது அலுவலகம் வந்து பொறுப்பேற்றுக் கொண்டார். இதேபோல பிரகாஷ் ஜாவேத்கர், சுற்றுச்சூழல் அமைச்சராகவும், வடகிழக்கு மாநில மேம்பாட்டு இணை அமைச்சராக வி.கே.சிங்கும் இன்று பதவியேற்றனர்.

English summary

Raj Nath Singh takes charge as the Union Minister for Home Affairs on today.