கிரண் பேடியை விட சாசியா இல்மியை நிறுத்தியிருக்கலாமே.. கட்ஜூ ட்விட்டால் சர்ச்சை

டெல்லி: டெல்லி சட்டசபை தேர்தலில் பாரதிய ஜனதாவின் முதல்வர் வேட்பாளராக கிரண் பேடியைவிட 'அழகான' சாசியா இல்மியை நிறுத்தியிருந்தால் அக்கட்சி வெற்றி பெற்றிருக்கும் என்று பத்திரிகை கவுன்சில் முன்னாள் தலைவர் மார்க்கண்டேய கட்ஜூ தெரிவித்துள்ள கருத்து பலத்த சர்ச்சையை கிளப்பியுள்ளது.

70 தொகுதிகளைக் கொண்ட டெல்லி சட்டசபைக்கு பிப்ரவரி 7-ந் தேதி தேர்தல் நடைபெற உள்ளது. இத்தேர்தலில் பாரதிய ஜனதா, ஆம் ஆத்மி மற்றும் காங்கிரஸ் கட்சிகளிடையே கடும் போட்டி நிலவுகிறது.

பாரதிய ஜனதாவின் முதல்வர் வேட்பாளராக கிரண்பேடி நிறுத்தப்பட்டுள்ளார். ஆம் ஆத்மியின் முதல்வர் வேட்பாளராக அரவிந்த் கேஜ்ரிவால் களத்தில் உள்ளார். இம்மாநிலத்தில் தேர்தல் களம் அனல் பறக்கிறது.

இதனிடையே உச்சநீதிமன்ற முன்னாள் நீதிபதியும் பிரஸ் கவுன்சில் முன்னாள் தலைவருமான மார்க்கண்டேய கட்ஜூ டெல்லி தேர்தல் களத்தில் திடீர் பரபரப்பை ஏற்படுத்தியிருக்கிறார்.

I regard Shazia Ilmi much more beautiful than Kiran Bedi. If Shazia had been made their C.M. candidate BJP wud have definitely won the Delhi

— Markandey Katju (@mkatju) January 30, 2015

அழகான இல்மி

தமது ட்விட்டர் பக்கத்தில், கிரண்பேடியை விட சாசியா இல்மி மிகவும் அழகாக உள்ளார். கிரண்பேடிக்கு பதிலாக சாசியா இல்மி நிறுத்தப்பட்டால் பாரதிய ஜனதா வெற்றி பெறுவது உறுதி என்று பதிவிட்டிருந்தார்.

elections. People vote for beautiful faces, as in Croatia. Even a person like me who does not vote wud have voted for Shazia.

— Markandey Katju (@mkatju) January 30, 2015

குரேசியா உதாரணம்

மேலும் தமது இக்கருத்துக்கு உதாரணமாக குரோசியா அதிபர் தேர்தலில் கொலிண்டா வெற்றி பெற்றதையும் சுட்டிக்காட்டி அடுத்த பதிவைப் போட்டிருக்கிறார் கட்ஜூ. அதில், குரோசியாவைப் போல அழகான முகங்களைப் பார்த்து மக்கள் வாக்களிக்கின்றனர். வாக்களிக்கக் கூட விரும்பாத என்னைப் போன்றவர்கள் சாசியாவுக்காக வாக்களிக்கவும் செய்யலாம்" என்றும் கூறியிருந்தார். மார்க்கண்டே கட்ஜூவின் இந்த ட்விட்டர் பதிவுகள் பெரும் சர்ச்சையை ஏற்படுத்தின.

யார் இந்த இல்மி?

சாசியா இல்மி, தொலைக்காட்சி தொகுப்பாளர். அவர் அன்னா ஹசாரேவின் இயக்கத்தில் இணைந்திருந்தார். பின்னர் ஆம் ஆத்மி கட்சியில் இணைந்து டெல்லி சட்டசபை தேர்தலில் போட்டியிட்டு தோல்வி அடைந்தார். அண்மையில் ஆம் ஆத்மி கட்சியில் இருந்து விலகி பாரதிய ஜனதாவில் இணைந்தவர். இவரை முன்வைத்து கட்ஜூ தெரிவித்த கருத்து சர்ச்சையையும் கிளப்பிவிட சில மணிநேரங்களில் மீண்டும் ட்விட்டரில் ஒரு பதிவைப் போட்டார்.

Some people objected to my last tweet. My response is : develop a sense of humour. The tweet was in lighter vein,& shud be construed as such

— Markandey Katju (@mkatju) January 30, 2015

விளக்கம்

அதில், என்னுடைய கடைசி ட்வீட்டுக்கு சிலர் ஆட்சேபனை தெரிவித்துள்ளனர். நகைச்சுவையை வளர்த்துக் கொள்ளுங்கள் என்றுதான் சொல்வேன் என்று பதில் கொடுத்திருக்கிறார்.

Justice Katju : What is wrong with some of you people ? Can't an o... http://t.co/6wM8bHlrYH

— Markandey Katju (@mkatju) January 30, 2015

ப்ளாக்கிலும்.

அத்துடன் தமது http://justicekatju.blogspot.in என்ற ப்ளாக்கிலும் இது பற்றி தன்னிலை விளக்கம் கொடுத்திருக்கிறார் கட்ஜூ. ஒரு வயதான ஆண், அழகான பெண்ணைப் பார்த்து ஈர்ப்பு கொள்ளக் கூடாதா? நான் என்ன அவரிடம் தவறாகவாக நடந்தேன் என்று அதில் கட்ஜூ கேள்வி எழுப்பியுள்ளார்.

English summary

Justice Markandey Katju has done it again. After suggesting to make Bollywood actor Katrina Kaif 'President of India', the former chairman of the Press Council of India on Friday said that BJP leader Shazia Ilmi is much more beautiful than the party's chief ministerial candidate Kiran Bedi.