"இந்துமயமான" திமுகவும் ஓகே... ஸ்டாலினுடன் 'விளையாடி' பார்க்கவும் ரெடி... சொல்வது சு.சுவாமி
டெல்லி: இந்துமயமான திமுகவையும் 90% திமுகவினர் கோவிலுக்கு போகிறவர்கள் என்றெல்லாம் சொல்கிற மு.க.ஸ்டாலினையும் தாம் ஏற்பதாக பாஜகவின் சுப்பிரமணியன் சுவாமி கூறியுள்ளார்.
தமிழக சட்டசபை தேர்தல் கூட்டணி 'இப்படி இருக்குமா? அப்படி அமையுமா?' ஏக யூகங்கள் அலைமோதிக் கொண்டிருக்கின்றன.. இந்த நேரத்தில் திமுக+ பாஜக+ தேமுதிக என புதுபார்முலாவை ட்விட்டரில் கொட்டி தமிழக அரசியலையே பரபரக்க வைத்துவிட்டார் 'சர்ச்சை நாயகர்' சுப்பிரமணியன் சுவாமி.
தமிழக அரசியல் அரங்கத்தில் கடந்த சில நாட்களாக இதுதான் பிரதான விவாதம்.. 'அன்னைக்கு திமுகவை அப்படி சொன்னாங்களே.. திமுக அன்னைக்கு பாஜகவை அப்படி சொல்லுச்சே' என ஏகத்துமான விவாதங்கள்... ஆரூடங்கள்...
இதையொட்டி ட்விட்டரில் தம்முடைய பக்கத்தில் நடந்த விவாத்தில் இதற்கும் மேலாக அணுகுண்டுகளாக வீசியிருக்கிறார் சு. சுவாமி. அவரது ட்விட்டர் பக்கத்தில் ஸ்டாலினை நீங்கள் ஏற்கிறீர்களா? என ஒருவர் கேட்க, 'இந்துமயமான திமுக'வை ஏற்கிறேன் என்று பதிலளித்துள்ளார் சுவாமி.
@Chennai_Knight : I am ok with a Hinduised DMK
— Subramanian Swamy (@Swamy39) February 2, 2016
மற்றொரு கேள்விக்கு பதிலளித்துள்ள சு.சுவாமி, கருணாநிதி ஒரு சீனியர் தீயசக்தி. ஸ்டாலினோ 90% திமுகவினர் கோவிலுக்கு போகிற இந்துக்கள் என்கிறார். வாய்ப்பிருந்தால் அவருடனும் விளையாடி பார்க்கவும் தயார் என கூறியுள்ளார்.
சுவாமி எதை சொன்னாலும் 'தெறிக்குதே'
Click it and Unblock the Notifications
Sign in with Google