நீங்க மட்டும் மேடையில் இன்ஷா அல்லான்னு வழிபடலாம்-ஜெய்ஶ்ரீராம் சொல்ல கூடாதா? மமதா மீது பாஜக பாய்ச்சல்

கொல்கத்தா: தேர்தல் பிரசார மேடையில் இன்ஷா அல்லா என மேற்கு வங்க முதல்வர் மமதா பானர்ஜி பிரார்த்தனை செய்யும் வீடியோவை அம்மாநில பாஜகவினர் வெளியிட்டு சமூக வலைதளங்களில் ஷேர் செய்து வருகின்றனர்.

நேதாஜி சுபாஷ் சந்திரபோஸின் 125-வது பிறந்த நாள் நிகழ்ச்சி அண்மையில் கொல்கத்தாவில் நடைபெற்றது. இதில் பிரதமர் மோடி, மேற்கு வங்க முதல்வர் மமதா பானர்ஜி உள்ளிட்டோர் பங்கேற்றனர்.

இந்நிகழ்ச்சியில் மமதா பானர்ஜி பேச முயன்றபோது, ஜெய் ஶ்ரீராம் என முழக்கங்கள் எழுப்பப்பட்டது. இதற்கு ஆட்சேபனை தெரிவித்த மமதா பானர்ஜி, பேச மறுத்து உட்கார்ந்து விட்டார். இது சர்ச்சைக்குரிய விவாதமாக விஸ்வரூபம் எடுத்தது.

தற்போது பொதுமேடையில் மமதா பானர்ஜி, இன்ஷா அல்லா என பிரார்த்தனை செய்யும் ஒரு வீடியோவை மேற்கு வங்க பாஜகவினர் வெளியிட்டுள்ளனர். இந்த வீடியோ சமூக வலைதளங்களில் வைரலாக ஷேர் செய்யப்படுகிறது.

If CM Mamata Banerjee can recite an Islamic prayer at a West Bengal government event, why does she have a problem being greeted with Jai Shree Ram?

Appeasement?

She disgraced Bengal and insulted Netaji’s legacy by her conduct at the event to commemorate Netaji’s anniversary. pic.twitter.com/OpQ7MR60m2

— BJP Bengal (@BJP4Bengal) January 24, 2021

மேலும் நீங்கள் மட்டும் பொதுமேடையில் இப்படி வழிபாடு நடத்தும் போது ஏன் ஜெய்ஶ்ரீராம் முழக்கங்களை நாங்கள் எழுப்பக் கூடாது என்றும் பாஜகவினர் கேள்வி எழுப்பியுள்ளனர்.

English summary

West Bengal BJP shared a video Of Chief Minsiter Mamata Banerjee Praying At Public Rally.