அமெரிக்கா, பிரேசில் எட்டாத உயரம்.. ஒரே நாளில் 83000 பேருக்கு இந்தியாவில் தொற்று

ஜெனிவா: உலகில் கொரோனா தொற்றால் பாதிக்கப்பட்டவர்களின் எண்ணிக்கை 2.61 கோடியாக உயர்ந்துள்ளது. உலகம் முழுவதும் இதுவரை கொரோனாவில் இருந்து 1.71 கோடி பேர் குணம் அடைந்துள்ளனர்.

உலகில் கொரோனாவால் பாதிக்கப்பட்டவர்களின் எண்ணிக்கை 2.61 கோடியாக உயர்ந்துள்ளது, இதில் இதுவரை 8.66 லட்சம் பேர் பலியாகி உள்ளனர். 1.71 கோடி பேர் குணம் அடைந்துள்ளனர்.

உலகிலேயே கொரோனாவால் மிக அதிகபட்சமாக அமெரிக்காவில் 62,90 லட்சம் பேர் பாதிக்கப்பட்டுள்ளனர். அங்கு இதுவரை 1.89 லட்சம் பேர் பலியாகி உள்ளனர். ஒரே நாளில் 1021 பேர் பலியாகி உள்ளனர்.

அமெரிக்காவிற்கு அடுத்தபடியாக அதிக பாதிப்பு பிரேசிலில் உள்ளது. அங்கு இதுவரை 40 லட்சம் பேர் கொரோனாவால் பாதிக்கப்பட்டுள்ளனர். 40 லட்சம் பேரில் இதுவரை 1.24 லட்சம் பேர் பலியாகி உள்ளனர். நேற்று ஒரே நாளில் அதிகபட்சமாக 1245 பேர் பலியாகினர்.

உலகில் அதிக கொரோனா பாதிப்பில் மூன்றாம் இடத்தில் உள்ள இந்தியாவில் தொற்று பாதிப்பு எண்ணிக்கை 38.48 லட்சமாக உயர்ந்துள்ளது. இதில் இதுவரை 29.67 லட்சம் பேர் குணமடைந்துள்ளனர். இந்தியாவில் இதுவரை இல்லாத அளவாக ஒரே நாளில் 83000 பேர் கொரோனாவால் பாதிக்கப்பட்டுள்ளனர். இந்தியாவில் ஒரே நாளில கொரோனாவால் 1045 பேர் பலியாகி உள்ளனர். இந்தியா கொரோனா ஒரு நாள் பாதிப்பில் தொடர்ந்து முதலிடத்தில் உள்ளது. உயிரிழப்பு மற்றும் மொத்த பாதிப்பில் தொடர்ந்து 3வது இடத்தில் நீடிக்கிறது.

English summary

With 83000 people testing positive, India's Covid-19 tally mounted to 38.48 m, while recoveries surged to 29.67M on Wednesday.