சான்ட்விச் வாங்கக் காசு கொடுத்தா போதும்.. விபச்சாரத்தில் குதிக்கும் கிரீஸ் பெண்கள்

Published: Saturday, November 28, 2015, 15:25 [IST]

Subscribe to Oneindia Tamil

கிரீஸ்: பொருளாதார சிக்கலில் சிக்கித் தடுமாறிக் கொண்டிருக்கும் கிரீஸ் நாட்டில் விபச்சாரம் அதிகரித்து வருகிறதாம். சாதாரண சான்ட்விச்சுக்கே பெண்கள் செக்ஸுக்கு உடன்படும் அளவுக்கு அவலமாகி விட்டதாம் அந்த நாட்டு பொருளாதார நிலைமை.

சான்ட்விச் வாங்கிக் கொடுத்தால் போதும் அல்லது ஒரு சான்ட்விச் வாங்கத் தேவையான பணத்தைக் கொடுத்தால் போதும் என்று கூறி செக்ஸுக்கு உடன்படுகிறார்களாம் அங்குள்ள பல பெண்கள்.

ஏதென்ஸில் உள்ள பான்டீயன் பல்கலைக்கவகத்தின் சமூகவியல் பேராசிரியர் கிரெகரி லக்ஸோஸ் மற்றும் அவரது குழுவினர் இதுதொடர்பாக ஆய்வு நடத்தி முடிவுகளை வெளியிட்டுள்ளனர்.

விபச்சாரத்தில் குதிக்கும் இளம் பெண்கள்

கிரீஸில் 17,000 பாலியல் தொழிலாளர்கள் உள்ளனர். இவர்கள் தொழில் ரீதியில் செயல்படுபவர்கள். ஆனால் இவர்களுக்குக் கடும் போட்டியாக தற்போது பிற இளம் பெண்கள் உருவாகி வருகின்றனர்.

கிழக்கு ஐரோப்பாவை மிஞ்சினர்

கிரீஸ் நாட்டில் பல இளம் பெண்கள், கையில் பணம் இல்லாததால் விபச்சாரம் செய்யத் தயங்குவதில்லையாம். அந்த வகையில் கிழக்கு ஐரோப்பாவில்தான் அதிக அளவிலான இளம் பெண்கள் தொழில் முறை அல்லாத விபச்சாரம் செய்வது அதிகமாக உள்ளது. தற்போது அதை கிரீஸ் பெண்கள் முறியடித்து வருகின்றனராம்.

மிக மிக மலிவு

ஐரோப்பாவிலேயே கிரீஸ் நாட்டில்தான் செக்ஸ் மிக மிக மலிவாக இருப்பதாகவும் இந்த ஆய்வு தெரிவிக்கிறது. அதாவது அதிக அளவில் பணம் கேட்டு நிர்ப்பந்திப்பதில்லையாம் இப்பெண்கள்.

சான்ட்விச் கொடுத்தால் போதும்

ஒரு சான்ட்விச் வாங்கிக் கொடுத்தால் போதும் அல்லது அதற்குரிய பணத்தைக் கொடுத்தால் போதும் என்று கூறும் பெண்கள் கூட அதிக அளவில் உள்ளனராம். அந்த அளவுக்கு அங்கு பொருளாதார நெருக்கடி தலைவிரித்தாடுவதாக ஆய்வு கூறுகிறது.

பசியால்

சாப்பிட ஏதாவது கிடைத்தால் போதும் என்ற அளவுக்கு பசிக் கொடுமையும் வாட்டி வருகிறது. அதற்காகக் கூட பலர் உடலை தியாகம் செய்ய முன்வருகிறார்களாம்.

பில் கட்ட

இதுதவிர குடிநீிர் வரி, தொலைபேசி, மின்சாரக் கட்டணம் கட்ட என்று சின்னச் சின்னச் செலவுகளுக்காகவும் கூட பலர் விபச்சாரத்தில் குதிக்கிறார்களாம்.

சரிந்து போன விபச்சாரக் கட்டணம்

தொழில்முறை பாலியல் தொழிலாளர்கள் முன்பு அரை மணி நேர உல்லாசத்திற்கு 50 ஈரோ வரை வசூலித்தனர். ஆனால் தற்போது பொருளாதார நெருக்கடி காரணமாக அது 2 ஈராவாக சரிந்து விட்டதாம்.