அப்படியே அச்சுஅசலாக மனிதர்களை போலவே வாய், பல்.. இதுல சிரிப்பு வேற.. மிரள வைக்கும் மீனின் புகைப்படம்

மனிதனின் முகம் போலவே இருக்கும் மீனின் புகைப்படங்கள் ஆச்சரியத்தைஏற்படுத்தியுள்ளன.

கோலாலம்பூர்: உதடு, பல் என மனிதனின் முகத் தோற்றத்தை அப்படியே ஒத்து இருக்கும் ஒரு அரியவகை மீனின் புகைப்படம் இணையத்தில் வைரலாகியுள்ளது.

இயற்கை எப்போதுமே தன்னுள் பல்வேறு ஆச்சரியங்களையும், பிரமிப்புகளையும் புதைத்து வைத்துள்ளது. அதிலும் குறிப்பாக உயிரினங்களின் பரிணாம மாற்றம் என்பது இயற்கையின் ஆதி ரசியங்களில் ஒன்று.

நம்மை வியக்க வைக்கும் பல்வேறு வகையான உயிரினங்கள் இந்த பூமியில் ஒளிந்துகொண்டு இருக்கின்றன. அப்படி தான் விநோதமாக காட்சியளிக்கும் மீனின் புகைப்படம் ஒன்று இணைய உலகை பிரிம்பிப்பில் ஆழ்த்தியுள்ளது.

மலேசிய நாட்டில் எடுக்கப்பட்ட அந்த புகைப்படத்தில் இருக்கும் மீனின் பெயர் டிரிக்கர் எனும் மீன் வகையை சேர்ந்தது. அதன் வாய், உதடு, பற்கள் ஆகியவை அச்சு அசல் மனிதர்களை போலவே இருக்கிறது.

இந்தோ - பசிபிக் கடல் பகுதியில் தான் இந்த டிரிக்கர் மீன்கள் காணப்படுகின்றன. பெரிய சைஸ் முட்டை போல் ஓவல் வடிவத்தில் இருக்கும் இந்த மீனின் தலை அளவில் மிகப்பெரிதாக இருக்கிறது. டிரிக்கர் மீன்கள் தாடை மற்றும் பற்கள், சிப்பிகளைக்கூட உடைக்கும் அளவுக்கு வல்லமை பெற்றவையாம்.

டிரிக்கர் மீனின் புகைப்படதை பார்த்து வியந்து போய்விட்டனர் நெட்டிசன்கள். இதனால் டிரிக்கர் மீன் இணையத்தின் சென்சேஷனாக மாறிவிட்டது. ஏற்கனவே சமூகவலைதளங்களில் பல விநோதமான புகைப்படங்களும், வீடியோக்களும் கொட்டிக்கடக்கின்றன. அவற்றில் சில அதிக கவனம் பெற்று வைரலாகும். அந்த வகையில் தற்போது இந்த விநோதமான டிரிக்கர் மீனின் புகைப்படம் வைரலாகி இருக்கிறது.

English summary

The pictures of an unusual fish with human-like features has shocked the internet. The fish from Malaysia has actual teeth and lips and, it is known as Triggerfish.