வேகமாக முன்னேறும் தலீபான்கள்.. ஹெராட் போலீஸ் தலைமையகத்தை கைப்பற்றினர்.. அடிபணியும் ராணுவம்!

காபூல்: ஆப்கானிஸ்தானில் வேகமாக முன்னேறி வரும் தலீபான்கள் ஹெராட் போலீஸ் தலைமையகத்தை அதிரடியாக கைப்பற்றியுள்ளனர்.

இரட்டை கோபுர தாக்குதலுக்கு பழிவாங்கும் நடவடிக்கையாக ஆப்கானிஸ் தானில் கடந்த 20 ஆண்டுகளாக நிலை கொண்டு தலிபான் பயங்கரவாதிகளை ஒடுக்கி வந்த அமெரிக்கா படைகளை விலக்கிக் கொண்டது.

இதன்பின்னர் இதுதான் சந்தர்ப்பம் என்று நினைத்த தலீபான் பயங்கரவாதிகள் ஆப்கானிஸ்தானை மீண்டும் தங்களது கட்டுக்குள் கொண்டு வர ஆரம்பித்துள்ளனர். அவர்கள் நினைத்தபடியே ஆப்கானிஸ்தானில் பல பகுதிகளையும் கைப்பற்றி உள்ளனர்.

தலிபான்கள் ஆதிக்கம்

பல்வேறு முக்கிய மாகாணங்களையும் நகரங்களை இணைக்கும் முக்கிய சாலைகளையும் கைப்பற்றியுள்ளனர் பயங்கரவாதிகள். 9 மாகாண தலைநகரங்கள்,விமான நிலையங்கள் 290க்கும் அதிகமான மாவட்டங்களில் தலிபான்கள் ஆதிக்கம் செலுத்தி வருகின்றனர். தலைநகர் காபூலை முக்கிய இலக்காக வைத்துள்ள தலீபான்கள் அதனை நோக்கி மிக வேகமாக முன்னேறி வருகின்றனர்.

போலீஸ் தலைமையகம்

தலைநகர் காபூலுக்கு அருகே அமைந்துள்ள மாகாணங்களை எல்லாம் தங்கள் வசம் கொண்டு வந்துள்ளன வந்துள்ளனர். தற்போது காபூலில் இருந்து 150 கி.மீ தொலைவே இருக்கும் தலீபான்கள் ஆப்கானிஸ்தானின் மூன்றாவது பெரிய நகரமான கஸ்னியை கைப்பற்றினார்கள். இந்த நிலையில் மேற்கு ஆப்கானிஸ்தானில் உள்ள ஹெராட் போலீஸ் தலைமையகத்தை தலிபான்கள் அதிரடியாக கைப்பற்றியுள்ளனர்.

ஹெராட் விமான நிலையம்

கஸ்னி மாகாணத்தை கைப்பற்றிய பயங்கரவாதிகள் ஆப்கான் படைகளை முறியடித்து விட்டு ஹெராட்டுக்குள் நுழைந்து போலீஸ் தலைமையகத்தை கைபற்றியுள்ளனர். இதனால் ஹெராட் விமான நிலையத்தில் போக்குவரத்துக்கு நிறுத்தப்பட்டுள்ளது. கஸ்னியை கைப்பற்றியதன் மூலம் ஆப்கானிஸ்தான் தலைநகரை நாட்டின் தென் மாகாணங்களுடன் இணைக்கும் முக்கியமான நெடுஞ்சாலையை தலீபான்கள் துண்டிக்கிறனர் என்று தகவல்கள் கூறுகின்றன.

அமெரிக்கா எச்சரிக்கை

ஆப்கானிஸ்தானில் தாலிபான்கள் வேகமாக முன்னேறி வரும் நிலையில், ஆட்சியை பகிர்ந்து கொள்ளலாம் என்று ஆப்கான் அரசு இறங்கி வந்திருப்பதாக தகவல்கள் உலா வந்தன. இந்த நிலையில் தலீபான்கள் ஹெராட் போலீஸ் தலைமையகத்தை கைப்பற்றியுள்ளனர். தலிபான்கள் நாடு முழுவதும் வேகமாக முன்னேறி வரும் நிலையில் ஆப்கானிஸ்தானில் அமெரிக்க தூதரகம் அங்குள்ள தங்கள் நாட்டு மக்களை வெளியேறும்படி அவரசமாக அழைப்பு விடுத்துள்ளது.

English summary

The Taliban, which is advancing rapidly in Afghanistan, has stormed the Herat police headquarters