ஷாக்.. மதுரை விஷால் டி மாலில் திடீர் தீ விபத்து.. இரவில் நடந்த பரபரப்பு.. என்ன காரணம்?

மதுரை: மதுரையில் உள்ள விஷால் மாலில் திடீரென்று ஏற்பட்ட தீவிபத்தால் பரபரப்பு ஏற்பட்டுள்ளது. இதையடுத்து தீயை அணைக்கும் பணி தீவிரமாக நடந்து வருகிறது.

மதுரை சின்னசொக்கிகுளம் பகுதியில் விஷால் மால் உள்ளது. மதுரையில் புகழ்பெற்ற இடங்களில் இது ஒன்றாக உள்ளது. அடுக்குமாடி கட்டடத்தில் இயங்கும் இந்த மாலில் பல்வேறு முன்னணி பிராண்டுகளின் கடைகள் செயல்பட்டு வருகின்றனர்.

செல்போன் உள்பட பல்வேறு எலக்ட்ரிக், எலக்ட்ரானிக் பொருட்கள் கடைகள், ரிலையன்ஸ் பிராண்டுகளின் கடைகள், மல்டிபிளக்ஸ் திரையரங்குகள், புட்கோர்ட், பீட்சா, நூடுல் ஷாப் உள்ளிட்டவை இந்த மாலில் செயல்பட்டு வருகின்றன.

இதனால் தினமும் மக்கள் கூட்டம் கூட்டமாக இந்த மாலுக்கு வந்து செல்வார்கள். குறிப்பாக சனி, ஞாயிற்றுக்கிழமைகளின் மக்களின் எண்ணிக்கை இன்னும் அதிகமாக இருக்கும். இந்நிலையில் நாளை ஞாயிற்றுக்கிழமை என்பதால் இன்று மாலையில் ஏராளமான மக்கள் அந்த மாலுக்கு சென்று இருந்தனர்.

இந்நிலையில் தான் மாலின் மேல் பகுதியில் அமைக்கப்பட்டுள்ள ெஷட் போன்ற திடீரென்று தீவிபத்து ஏற்பட்டது. இது அங்கு பெரும் பரபரப்பை ஏற்படுத்தியது. இதையடுத்து அங்கிருந்த மக்கள் அவசரஅவசரமாக வெளியேற்றப்பட்டனர். தீயை அணைக்கும் பணி தொடங்கி நடந்து வருகிறது.

இதுதொடர்பான வீடியோ தற்போது வெளியாகி உள்ள நிலையில் மாலில் ஏற்பட்ட தீவிபத்துக்கான காரணம் என்ன? என்பது உடனடியாக தெரியவில்லை. தீயை முற்றிலுமாக அணைத்த பிறகு முழுவிபரம் வெளியாக உள்ளது.

English summary

A sudden fire broke out at Vishal Mall in Madurai. Since then, the fire extinguishing work is going on intensively.