போட்றா வெடிய.. மதுரைக்கு ஆவின் பால் தந்த சர்ப்ரைஸ் பாருங்க.. அதுவும் எத்தனை நாட்கள் தெரியுமா? சபாஷ்
மதுரை: மதுரை ஆவின் நிறுவனத்தின் குறிப்பிட்ட வகை பால், பாலேடு ஆகியவற்றின் விலை குறைப்பு குறித்து முக்கிய தகவல் வெளியாகியிருக்கிறது. அந்தவகையில், மதுரை ஆவின் நிறுவனம் பால், உப பொருட்களின் விலையை குறைத்துள்ளது..
தமிழ்நாடு கூட்டுறவு பால் உற்பத்தியாளர்கள் சங்கம் அல்லது ஆவின் (Tamil Nadu Co-operative Milk Producers' Federation Limited-AAVIN) என்பது பால் கொள்முதல், பதப்படுத்துதல், குளிரூட்டுதல் மற்றும் விற்பனை ஆகிய பணிகளை செய்து வரும் தமிழக அரசின் பொதுத்துறை நிறுவனம் பாலை மதிப்புக்கூட்டி விற்பனை செய்து வருகிறது.
மதுரை மாவட்டம்: இதில் மதுரை மாவட்டம் சாத்தமங்கலம் பகுதியிலுள்ள ஆவின் மத்திய பால்பண்ணையில் இருந்து நாள்தோறும் 2 லட்சம் லிட்டர் பால் ஆவின் பால் பாக்கெட்டுகள் டெப்போக்கள் மூலமாக பொதுமக்களுக்கு விற்பனை செய்யப்பட்டு வருகிறது. அந்தவகையில், மதுரை மாவட்ட கூட்டுறவு பால் உற்பத்தியாளர்கள் ஒன்றியம் (ஆவின்) நிர்வாகத்தில் தினசரி 1.20 லட்சம் லிட்டர் பால் கொள்முதல் செய்யப்பட்டு வருகிறது.
இந்நிலையில், மதுரை மாவட்டத்துக்கு சர்ப்ரைஸ் தகவல் ஒன்று வந்துள்ளது.. மதுரை ஆவின் பொது மேலாளா் சிவகாமி செய்திக்குறிப்பு ஒன்றினை வெளியிட்டுள்ளார். அதில் அவர் தெரிவித்துள்ளதாவது:
அதீத உயர் வெப்பநிலை: "மதுரை ஆவின் நிறுவனத்தில் அதீத உயா் வெப்பநிலையில் தயாரிக்கப்படும் பாலின் விலை ரூ.2 குறைக்கப்பட்டுள்ளது. ஆவின் நிறுவனம் மூலம் கொள்முதல் செய்யப்படும் பால், கொழுப்புச்சத்து அடிப்படையில் பிரிக்கப்பட்டு ஆரஞ்ச், பச்சை, நீலம், ஊதா என வகை பிரிக்கப்பட்டு விற்பனை செய்யப்படுகிறது.
மேலும், குளிரூட்ட வேண்டிய அவசியம் இல்லாத பால் வகைகளையும் விற்பனை செய்து வருகிறது. புயல் மழை, உள்ளிட்ட பேரிடா் காலங்கள், நீண்ட தொலைவு பயணங்களின் போதும் இந்த பால் வகைகள் உதவுகின்றன.
பால் வகைகள்: இந்த நிலையில், அதீத வெப்ப நிலையில் தயாரிக்கப்படும் பால் வகைகளில் கொழுப்பு நீக்கப்பட்ட 450 மி.லி. ரூ.30-இல் இருந்து ரூ.28-க்கும், 150 மி.லி. பால் ரூ.12 இல் இருந்து ரூ.10-க்கும் விற்கப்படுகிறது. மேலும், ஆவின் தயாரிப்பான பாலேடு (பன்னீா்) 200 கிராம் ரூ.120-இல் இருந்து ரூ.10 குறைக்கப்பட்டு ரூ.110-க்கும், 500 கிராம் பாலேடு ரூ.300-இல் இருந்து ரூ.275-க்கும் விலை குறைக்கப்பட்டுள்ளது.
இந்தத் தள்ளுபடி விலைகள் கடந்த 1-ஆம் தேதி முதல் அமல்படுத்தப்பட்டது. இது டிசம்பா் 31-ஆம் தேதி வரை நடைமுறையில் இருக்கும். எனவே, பொதுமக்கள் இவற்றை வாங்கி பயனடையலாம் என்றாா்.
கோரிக்கை: ஆவின் நிறுவனம் பால், உப பொருட்ளின் விலையை ரூ.2 குறைத்துள்ளது மதுரைவாசிகளுக்கு மகிழ்ச்சியை தந்து வருகிறது. ஆனால், விலையை ஏற்றும் போது இருந்த வேகம் விலையை இறக்கும்போது இல்லையே என்று கவலை தெரிவித்துள்ள மக்கள், டிசம்பா் 31ம் தேதி வரை மட்டுமே கொண்டுவரப்பட்டுள்ள இந்த நடைமுறையை, தொடர்ந்து அமல்படுத்த வேண்டும் என்றும் கோரிக்கையை விடுத்து வருகிறார்கள்.
Click it and Unblock the Notifications
Sign in with Google