தள்ளுமுள்ளுவில் முடிந்த "happy street மதுரை" கூட்டநெரிசலில் பலர் மயங்கி விழுந்ததால் நிகழ்ச்சி ரத்து

மதுரை: மதுரை அண்ணா நகரில் இன்று நடைபெற்ற "happy street மதுரை" நிகழ்ச்சியில் அதிகளவிலான மக்கள் கூடியதால் தள்ளுமுள்ளு ஏற்பட்டது. நெரிசலில் சிக்கி சிலர் மயக்கம் அடைந்ததால் நிகழ்ச்சி ரத்து செய்யப்பட்டது.

தலைநகர் சென்னையில் கடந்த சில மாதங்களாக ஹேப்பி ஸ்ட்ரீட் எனப்படும் நிகழ்ச்சி கொண்டாடப்பட்டது. ஞாயிற்றுக்கிழமைகளில் சென்னையின் பரபரப்பான சாலைகளில் வாகன போக்குவரத்தை முற்றிலும் நிறுத்திவிட்டு பல்வேறு நிகழ்ச்சிகள் நடைபெற்றன. கிராமப்புற விளையாட்டுக்கள் முதல் ஆடல் பாடல் என கொண்டாட்டம் களை கட்டும் வகையில் இந்த நிகழ்ச்சி இருந்தது.

இளைஞர்கள் பலரும் இந்த நிகழ்ச்சியில் உற்சாகமாக பங்கேற்று "vibe" செய்தனர். பெண்கள், சிறுவர்கள் என அனைத்து தரப்பினரும் இந்த நிகழ்ச்சியில் பங்கேற்று உற்சாகமாக ஹேப்பி ஸ்டீரிட் நிகழ்ச்சியை கொண்டாடியது. சென்னையில் நடைபெற்ற இந்த ஹேப்பி ஸ்டிரீட் நிகழ்ச்சி கோவை போன்ற நகரங்களிலும் நடத்தப்பட்டது.

அந்த வகையில், மதுர அண்ணா நகரில் இன்று "happy street மதுரை" என்ற பெயரில் நிகழ்ச்சி நடைபெற்றது. மதுரை அண்ணா நகரில் நடைபெற்ற இந்த நிகழ்ச்சியில் ஏராளமனவர்கள் பங்கேற்று இருந்தனர். ஆட்டம் பாட்டம் கொண்டட்டம் என நிகழ்ச்சி களை கட்டியது. இந்த நிகழ்ச்சியில் அமைச்சர்கள் பிடிஆர் பழனிவேல் தியாகராஜன், மூர்த்தி நடிகர் சூரி உள்ளிட்டோரும் பங்கேற்று இருந்தனர்.

நிகழ்ச்சியில் கூட்டம் எதிர்பார்த்தைவிட அதிக அளவு கூடியது. இதன் காரணமாக "happy street மதுரை" நிகழ்ச்ச்யில் திடீரென தள்ளுமுள்ளு ஏற்பட்டது. கடுமையான கூட்ட நெரிசல் ஏற்பட்டது. இதனால் வேடிக்கை பார்க்க வந்த மக்களில் பலர் மயங்கி விழுந்தனர். எதிர்பார்த்ததை விட அதிக கூட்டம் வந்ததால் நிகழ்ச்சி ரத்து செய்யப்பட்டது.

Wost Arrangement on WOW MADURAI program 🤧@city_madurai @mducollector @ptrmadurai @pmoorthy21 @sooriofficial pic.twitter.com/zHN0veU35P

— Aswin (@kuttyaswin47) September 24, 2023

English summary

The 'happy street Madurai' event held today in Anna Nagar, Madurai was crowded with people. The show was canceled due to some people fainting in the jam.