பைலட்டே இல்லாமல்.. வெற்றிகரமாக ஸ்பேஸுக்கு சென்று திரும்பிய "அமேசான்" ஜெப் பெஸோஸ்.. எப்படி நடந்தது?

Published: Tuesday, July 20, 2021, 19:30 [IST]

Subscribe to Oneindia Tamil

நியூயார்ட்: ப்ளூ ஆர்ஜின் நிறுவனத்தின் நியூ ஷெப்பர்ட் ராக்கெட் மூலம் அதன் நிறுவனர் ஜெப் பெஸோஸ் இன்று முதல் ஸ்பேஸ் பயணத்தை மேற்கொண்டார். தனது முதல் ஸ்பேஸ் பயணத்தை 4 பேர் கொண்ட குழுவுடன் அவர் வெற்றிகரமாக மேற்கொண்டுள்ளார். ஸ்பேஸுக்கு சென்று திரும்பிய ஜெப் "கவ் பாய்" ரக தொப்பி அணிந்து ஸ்டைலாக வந்தது பெரிய வரவேற்பை பெற்றது.

100 கிமீ வரை

கர்மன் லைன் எனப்படும் 100 கிமீ உயரம் வரை இந்த நியூ ஷெப்பர்ட் ராக்கெட் கேப்ஸ்யூலை சுமந்து சென்றது. அதன்பின் கேப்ஸ்யூல் வானத்தை நோக்கி தனியாக பறந்து சென்றது. இந்த நியூ ஷெப்பர்ட் ராக்கெட் கேப்ஸ்யூலில் இருந்து பிரிந்து, கேப்ஸ்யூலுக்கு டாட்டா காட்டிவிட்டு பூமியை நோக்கி பாதுகாப்பாக திரும்பி வந்து, மேற்கு டெக்ஸாஸில் ராக்கெட்ட ஏவப்பட்ட இடத்திற்கு அருகில் லேண்ட் ஆனது.

லேண்ட்

ஆம் இது ரீ யூசப்ல் ராக்கெட். வெட்டிக்கல் டேக் ஆப், லெண்டிங் வசதி கொண்டது. இந்த பயணம் முழுக்க ஆட்டோ பைலட் முறையில் மேற்கொள்ளப்பட்டது. இந்த நியூ ஷெப்பர்ட் ராக்கெட் முழுக்க முழுக்க ஆட்டோ பைலட் வசதியுடன் புரோகிராம் செய்யப்பட்டது. இதை இயக்க ஆட்கள் தேவை இல்லை. கேப்ஸ்யூல் உள்ளே இருந்த ஒரு பெண்ணை ( அவருக்கு வயது 82) தவிர வேறு யாருக்கும் விமானியாக இருந்த அனுபவம் கிடையாது. ஆனால் அவரும் இதற்கு முன் ராக்கெட்டில் சென்றது கிடையாது.

ராக்கெட்

இருப்பினும் எந்த அனுபவமும் இல்லாத குழுவை வைத்துக்கொண்டு ஜெப் பெஸோஸ் விண்ணுக்கு சென்று திரும்பி வந்துள்ளார். ஸ்பேஸ் பயணத்தை சாதாரண மக்களும் மேற்கொள்ளலாம் என்பதை ஊக்குவிக்கும் விதமாக இந்த பயணத்தை அவர் மேற்கொண்டுள்ளார். ராக்கெட்டை ஓட்டும் பைலட் இல்லாமலே இந்த நியூ ஷெப்பர்ட் ராக்கெட் 100 கிமீ தூரம் வரை சென்று கேப்ஸ்யூலை வானத்தில் விட்டுவிட்டு அதன்பின் யு டர்ன் அடித்தது.

சிறப்பு

வானத்தில் 100 கிமீ உயரத்தில் பிரிந்து சென்ற கேப்ஸ்யூல் மேலும் சில கிலோ மீட்டர்கள் சென்று அப்படியே வானத்தில் மிதந்தது. உள்ளே இருந்த குழு புவி ஈர்ப்பு விசை குறைவாக இருந்ததால் மிதந்தனர். மொத்தம் 3 முதல் 4 நிமிடங்கள் இவர்கள் உள்ளே மிதந்தனர்.

திரும்பினார்கள்

அதன்பின் சிறிய ரக பூஸ்டர்கள் மூலம் இந்த கேப்ஸ்யூல் திசை லேசாக மாற்றப்பட்டு மீண்டும் பூமி நோக்கி வந்தது. பூமியை நெருங்கிய பின் 27 கிமீ உயரம் இருக்கும் போது இதன் பாராசூட் இயக்கப்பட்டது. கடைசி நான்கு நிமிடத்தில் மெதுவாக இந்த கேப்ஸ்யூல் திரும்பி வந்தது. பாராசூட் உதவியுடன் மிக பாதுகாப்பாக இந்த கேப்ஸ்யூல் தரையிறங்கியது.

பாராசூட்

உள்ளே இருந்த ஜெப் பெஸோஸ் குழு பாதுகாப்பாக தரையிறங்கினார்கள். ஜெப் பெஸோசுடன் 82 வயது நிரம்பிய முன்னாள் பெண் விமானியான வாலி பங்க் விண்ணுக்கு சென்றார். ஜெப்பின் சகோதரர் மார்க்கும் இதில் விண்ணுக்கு சென்றார். அதேபோல் ஆலிவர் தியாமென் என்று 18 வயது இளம் நபரும் இதில் பயணித்தார் என்பது குறிப்பிடத்தக்கது.

Published On July 20, 2021