சேலம் பாமகவில் பிளவு.. முன்னாள் எம்எல்ஏ தமிழரசு உட்பட 500 பேர் திமுகவிற்கு தாவல்!
பாமகவின் துணை பொதுச்செயலாளரும், ஓமலூர் முன்னாள் பாமக எம்எல்ஏவுமான தமிழரசு திமுகவில் இணைந்துள்ளார்.
Recommended Video
சேலம்: பாமகவின் துணை பொதுச்செயலாளரும், ஓமலூர் முன்னாள் பாமக எம்எல்ஏவுமான தமிழரசு திமுகவில் இணைந்துள்ளார். இன்னும் பல பாமக உறுப்பினர்கள் திமுகவில் இணைந்துள்ளனர்.
லோக்சபா தேர்தலை அடுத்து தமிழக அரசியல் மிக மிக பரபரப்பாக சென்று கொண்டு இருக்கிறது. தேசிய அரசியலில் மிக முக்கியமான பல தலைவர்கள் கட்சி மாறி வருகிறார்கள். தற்போது தமிழகத்திலும் கட்சி தாவல் தொடங்கி இருக்கிறது.
இந்த நிலையில் சேலத்தில் இன்று திமுக தலைவர் ஸ்டாலின் தேர்தல் பிரச்சாரம் மேற்கொள்ள இருக்கிறார். அவரின் பிரச்சாரத்திற்கு முன் சேலத்தில் பல்வேறு கட்சிகளை சேர்ந்த முக்கிய உறுப்பினர்கள் திமுகவில் தங்களை இணைத்துக் கொண்டனர்.
மோடி ஆட்சியில் ஆண்டுக்கு 21,000 விவசாயிகள் தற்கொலை... கனிமொழி விளாசல்
இணைந்தார்
பாமகவின் துணை பொதுச்செயலாளரும், ஓமலூர் முன்னாள் பாமக எம்எல்ஏவுமான தமிழரசு திமுகவில் இணைந்துள்ளார். வடமாவட்டங்களில் பாமகவின் வலிமையான தலைவர்களில் இவரும் ஒருவர் என்பது குறிப்பிடத்தக்கது. பாமக இளைஞரணி செயலாளர் அன்புமணி ராமதாஸுக்கும் இவருக்கும் கடந்த சில நாட்களாக பிரச்சனை இருந்து வந்ததும் குறிப்பிடத்தக்கது.
இன்னும் சிலர்
அதேபோல் இன்று சேலம் கிழக்கு மாவட்ட பாமக செயலாளர் ஜெ.வேலு திமுகவில் இணைந்துள்ளனர். மேலும் 500க்கும் மேற்பட்ட பாமகவினர் தற்போது கட்சியில் இணைந்தனர். இவர்கள் எல்லோரும் பாமகவின் நீண்ட நாள் உறுப்பினர்கள் என்பது குறிப்பிடத்தக்கது.
பெரிய அதிர்ச்சி
பாமகவினர் மட்டுமில்லாமல் தேமுதிக, அம்மா மக்கள் முன்னேற்ற கழகம், அதிமுகவை சேர்ந்த சில உறுப்பினர்களும் இன்று திமுகவில் தங்களை இணைத்துகொண்டனர். இவர்கள் இன்று சேலத்தில் நடக்கும் திமுக பிரச்சார கூட்டத்தில் கலந்து கொள்வார்கள் என்பதும் குறிப்பிடத்தக்கது.
பிரச்சாரம்
பாமகவினர் மட்டுமில்லாமல் தேமுதிக, அம்மா மக்கள் முன்னேற்ற கழகம், அதிமுகவை சேர்ந்த சில உறுப்பினர்களும் இன்று திமுகவில் தங்களை இணைத்துகொண்டனர். இவர்கள் இன்று சேலத்தில் நடக்கும் திமுக பிரச்சார கூட்டத்தில் கலந்து கொள்வார்கள் என்பதும் குறிப்பிடத்தக்கது.