12வது முறை.. ஒரே சீசனில் 400 ரன்கள்.. கன்சிஸ்டன்சிக்கு மறுவார்த்தையே விராட் கோலி தான்!
பெங்களூர்: ஐபிஎல் தொடர் வரலாற்றில் ஒரே சீசனில் அதிக முறை 400 ரன்களுக்கு மேல் குவித்த வீரர்கள் பட்டியலில் விராட் கோலி புதிய வரலாறு படைத்துள்ளார். கேகேஆர் அணிக்கு எதிரான போட்டியில் விராட் கோலி 21 ரன்களை கடந்த போது, 12வது முறையாக ஒரே சீசனில் 400 ரன்களை குவித்த வீரர் என்ற சாதனையை படைத்தார்.
ஐபிஎல் தொடரில் கேகேஆர் அணிக்கு எதிரான போட்டியில் ஆர்சிபி அணி விளையாடி வருகிறது. இந்தப் போட்டியில் முதலில் பேட்டிங் ஆடிய கேகேஆர் அணி 20 ஓவர்களில் 4 விக்கெட்டுகள் இழப்பிற்கு 192 ரன்களை குவித்தது. இதன்பின் ஆர்சிபி அணிக்காக விராட் கோலி - பெத்தல் கூட்டணி களமிறங்கியது. கடந்த 2 போட்டிகளிலும் விராட் கோலி டக் அவுட்டாகி ஏமாற்றம் அளித்தார்.
இதனால் இம்முறை விராட் கோலி சிறந்த ஆட்டத்தை வெளிப்படுத்த வேண்டும் என்று ரசிகர்கள் பலரும் எதிர்பார்த்திருந்தனர். அதற்கேற்ப செளரப் துபே வீசிய முதல் ஓவரிலேயே விராட் கோலி முதல் ரன்னை சேர்த்தார். அப்போதே முதல் ரன்னை குவித்த மகிழ்ச்சியை விராட் கோலி வெளிப்படுத்தினார். வைபவ் அரோரா வீசிய 2வது ஓவரில் மட்டும் 4 பவுண்டரிகளை விராட் கோலி விளாசி தள்ளினார்.
இதனால் விராட் கோலி மிகப்பெரிய இன்னிங்ஸை ஆட தயாராகிவிட்டதாக பார்க்கப்பட்டது. பவர் பிளேவில் தேவைக்கேற்ப அதிரடியாக ஆடிய விராட் கோலி, இன்னிங்ஸை சிறப்பாக கட்டமைத்தார். 32 பந்துகளில் அரைசதம் விளாசிய விராட் கோலி, இந்த சீசனில் 400 ரன்களை கடந்துவிட்டார். இதன் மூலமாக விராட் கோலி புதிய வரலாற்றை படைத்துள்ளார்.
அதாவது ஒரே சீசனில் 400 ரன்களுக்கு மேல் குவித்த வீரர்களில் விராட் கோலி முதலிடத்தை பிடித்திருக்கிறார். இதுவரை நடந்துள்ள 19 ஐபிஎல் சீசன்களில் 12 முறை 400 ரன்களுக்கு மேல் குவித்து விராட் கோலி சாதித்துள்ளார். இவருக்கு பின் விராட் கோலி மற்றும் சுரேஷ் ரெய்னா தலா 9 சீசன்களிலும், ஷிகர் தவான் மற்றும் ரோகித் சர்மா தலா 9 சீசன்களிலும் 400 ரன்களுக்கு மேல் குவித்திருக்கின்றனர்.
அதேபோல் கேஎல் ராகுல் 8 முறையும், சுப்மன் கில் 7 முறையும், டி வில்லியர்ஸ் மற்றும் ஸ்ரேயாஸ் ஐயர் தலா 6 சீசன்களிலும் 400 ரன்களுக்கு மேல் விளாசி இருக்கின்றனர். இதன் மூலமாக மீண்டும் ஒருமுறை கன்சிஸ்டன்சி என்ற வார்த்தைக்கு மறுபெயர் விராட் கோலி என்று நிரூபித்து காட்டி இருக்கிறார். இது ஆர்சிபி ரசிகர்களிடையே மகிழ்ச்சியை எற்படுத்தி இருக்கிறது.
Click it and Unblock the Notifications
Sign in with Google