பெரும் இயக்கத்தின் இதயம்! தீயைத் தாண்டியவர்! தென்றலைத் தீண்டியவர்..! கருணாநிதிக்கு விவேக் புகழாரம்!
கருணாநிதி நலம் பெறவேண்டி செய்யப்படும் எல்லோருடைய பிரார்த்தனைக்கும் இயற்கை செவி சாய்க்கட்டும் என நடிகர் விவேக் தெரிவித்துள்ளார்.
சென்னை: கருணாநிதி நலம் பெறவேண்டி செய்யப்படும் எல்லோருடைய பிரார்த்தனைக்கும் இயற்கை செவி சாய்க்கட்டும் என நடிகர் விவேக் தெரிவித்துள்ளார்.
உடல் நலக்குறைவால் பாதிக்கப்பட்டுள்ள திமுக தலைவர் கருணாநிதி இரண்டாவது நாளாக சென்னை காவேரி மருத்துவமனையில் சிகிச்சை பெற்று வருகிறார்.
அவரது உடல்நிலை சீராக இருப்பதாக மருத்துவமனை நிர்வாகம் அறிக்கை வெளியிட்டுள்ளது. இதனால் திமுக தொண்டர்கள் உற்சாகமடைந்துள்ளனர்.
விவேக் டிவிட்
இன்றும் அரசியல் கட்சியினர் கருணாநிதியை காண மருத்துவமனைக்கு வந்த வண்ணம் உள்ளனர். இந்நிலையில் நடிகர் விவேக் கருணாநிதி நலம் பெற வேண்டி டிவிட்டியுள்ளார்.
இயற்கை செவி சாய்க்கட்டும்
அவர் பதிவிட்டுள்ள டிவிட்டில் எல்லோருடைய பிரார்த்தனைக்கும் இயற்கை செவி சாய்க்கட்டும் என தெரிவித்துள்ளார். இந்த நூற்றாண்டின் இணையற்ற பேச்சாளர் எழுத்தாளர் பாடலாசிரியர்,கவி, இலக்கியவாதி ராஜதந்திரி, கடும் உழைப்பாளி என புகழாரம் சூட்டியுள்ளார்.
தீயைத் தாண்டியவர்
மேலும் பெரும் இயக்கத்தின் இதயம் என்றும் தீயைத் தாண்டியவர்; தென்றலைத் தீண்டியவர் என்றும் நடிகர் விவேக் கருணாநிதியை புகழ்ந்து பதிவிட்டிள்ளார்.
|
போட்டோ
தான் கருணாநிதியுடன் எடுத்துக்கொண்ட புகைப்படத்தையும் அந்த டிவிட்டுடன் பதிவேற்றம் செய்துள்ளார் நடிகர் விவேக்.
Click it and Unblock the Notifications
Sign in with Google