காவிரி: திமுக சார்பில் அனைத்து கட்சிக் கூட்டம்- அதிமுக, பாஜக, கமலுக்கு அழைப்பு: ஸ்டாலின்

காவிரி பிரச்சனைக்காக திமுக சார்பில் அனைத்துக் கட்சிக் கூட்டம் நடத்தப்படும் என ஸ்டாலின் அறிவித்துள்ளார்.

சென்னை: காவிரி பிரச்சனைக்காக திமுக சார்பில் அனைத்துக் கட்சிக் கூட்டம் கூட்டப்படும் என்றும் இக்கூட்டத்துக்கு அதிமுக, பாஜக மற்றும் நடிகர் கமல்ஹாசனுக்கு அழைப்பு விடுக்கப்படும் என்றும் திமுக செயல் தலைவர் மு.க.ஸ்டாலின் தெரிவித்துள்ளார்.

அரசியல் கட்சியைத் தொடங்க உள்ள கமல்ஹாசன் திமுக தலைவர் கருணாநிதியை நேரில் சந்தித்து வாழ்த்துப் பெற்றார். இதன் பின்னர் செய்தியாளர்களிடம் பேசிய கமல்ஹாசன், கருணாநிதி என்னை அடையாளம் கண்டு கொண்டார். என்னுடைய கொள்கையை திமுக தெரிந்து கொண்ட பிறகு, அவர்களுக்கும் எனக்கும் சரி என்று பட்டால் எதிர்காலத்தில் கூட்டணி குறித்து முடிவு செய்வோம் என்றார்.

இதனைத் தொடர்ந்து செய்தியாளர்களிடம் பேசிய மு.க.ஸ்டாலின், காவிரி பிரச்சனை குறித்து விவாதிக்க அனைத்துக் கட்சிக் கூட்டத்தை நடத்துவோம். அக்கூட்டத்துக்கு அதிமுக, பாஜகவுக்கு அழைப்பு விடுப்போம்.

அனைத்துக் கட்சிக் கூட்டத்தில் பங்கேற்க வேண்டும் எனவும் கமலுக்கு அழைப்பு விடுத்திருக்கிறோம். அவரும் பங்கேற்பதாக உறுதி அளித்திருக்கிறார். புதிய கட்சி தொடங்கும் கமல்ஹாசனுக்கு வாழ்த்துகள் என்றார்.

English summary

DMK Working President MK Stalin said that his party will hold all party meeting for Cauvery Dispute.